許沛琳------會使充電个頭腦 @ Hongtin Tsok-gia̍p bāng

許沛琳 -------- 會使充電个電腦

親愛个，我是汝逐工攏愛摸个物件，雖然我生了無真sui2，身體白白閣真大摳，益毋閣我真巧，無管是啥物款个代誌，汝若是有毋捌个所在，只要汝共我

問一咧，我个目睭著會共汝講所有个答案。我个目睭真大蕊，腹肚真大khian，毋捌我个儂，可能會準是我著是一咧貧惰个白豬，因為我逐工攏坐著遐無震動，

干若汝知影我是一咧大博士，全世界每一分鐘，每一咧所在，所發生个代誌，我攏知影kah清清楚楚，實在是真厲害。

日--時，汝去上課个時袸，我著佇宿舍等汝轉--來，等汝共我摸，等汝kap我講話，其他个時袸，除非是我咧通腸，若無我著是乖乖矣坐咧睏。汝逐工攏有真儕話想卜共我講，毋管lua7 uann3，毋管是啥麼代誌，我總是會惦惦矣聽汝講，嘛無驚汝佇我个身軀留紀錄，閣佇我个身軀tah相片，利用我替汝傳話予汝想卜共伊講話个儂，我一工歇睏个時間kap汝差不多，汝若是真uann3睏，我嘛一定攏會陪汝到最後，等汝做伙睏，我是毋是真感心？