close
毋知影佇啥物時陣日子過共遮爾緊，幾工前阮閣佇為著送舊活動無閒爾爾，這馬送舊活動已經結束，其實對看逐家為著學長學姊做ê影片開始我心頭內底有足濟講袂出喙ê話，送舊彼工我哭共足慘足慘，看著二年級佮三年級所有人ê認真打拼，就為著予四年級ê畢業生會使有一个足歡喜足佮意足放鬆ê一个暗暝，用短短幾小時ê時間，予in閣看一擺in對來台中教育大學讀冊開始所有ê物件，就親像阮仝款一開始ê懵懵懂懂，逐家為著家己班ê榮耀努力，就算是練習校慶進場、合唱比賽愛到暗暝每一人攏閣笑瞇瞇，閣較辛苦嘛歡喜，因為是為著逐家，一年兩年過去，in對愛予人照顧ê一年級改變，in開始為著學弟學妹煩惱足濟代誌，in有ê人是系學會ê幹部，有ê人是社團ê幹部，每一人攏變共足成熟，會當予身邊ê人依倚，一路來定著有講袂煞ê辛苦，但是in攏共艱苦吞腹肚對阮笑瞇瞇，每一个學長學姊攏辛苦矣，畢業快樂。
全站熱搜
留言列表
