Hongtin Tsok-gia̍p bāng

應外的學長欲畢業啊，紲落去就愛去做兵啊，佇學校無伊可能會無聊袂少，拜六的時陣，阮佮修平科技大學社團的朋友做伙去指導老師in厝內烘肉，嘛算是幫學長相送，講實在的，阮指導老師烘肉的技術毋是一般的好，而且今仔日的材料真豐沛，有牛肉佮豬肉，閣有一堆的青菜，上重要的是，每一个人只收200塊，無來是真毋值的，了後阮逐家那烘肉那開講，講逐家以後想欲行的路，誠感慨，學長就按呢欲離開啊，但是我相信，不管伊去佗位，阮攏會是真好的兄弟，無偌久的以後，阮嘛會像現在按呢，做伙烘肉啉酒

時間過得好快，到了期末考ê時間，今年有無好好á ê過，á是koh浪費了一年，在學校ê課業，我感覺可能浪費了我一點時間，不過社團卻hō͘了我真chē，hō͘我有能力ē-tàng去設計一個活動、有能力ē-tàng上台當主持人、有能力ē-tàng慢慢展現出家己ê舞台，á昨hng有社團畢業ê學長姐tńg來chhōe咱聊天和關心咱ê一切kap生活，mā講beh tńg來帶咱社團往上爬，真正真開心，因為社團已經無運作一段時間了，有人tńg來幫忙真正真開心，hō͘我koh重新有了希望。

    這幾天我人憨神憨神，做代誌無法度專心，不時teh掉漆，脫線脫幾仔擺，

     這禮拜的拜三，我去聽Selina-任家萱的演講。其實聽了真感動，伊講的一寡經驗對前幾工騎車犁田的我嘛有仝款的感受。毋過看伊這馬恢復了這呢好，伊也予我信心，我相信家己一定可以真緊就恢復過來。

    佇摔倒的時陣，真正有一段時間是空白的，是用啥物方式摔倒的，又擱安怎予家己的機車硩著的，完全攏無印象，干焦記得我一直想欲peh起來，但是跤手無力，無法度甲車牽起來。後來就有人將我的車牽起來，而且甲我扶去邊仔歇睏，一直問我欲去病院也是無愛去，欲叫警察也是無愛，我攏無法度回答。

頂禮拜除了參觀南天宮十八層地獄外，咱有到當地ê旅遊客服中心，稍作歇睏一下，也kap裡面ê幾位客服人員聊子ín Ain講差不多十年前，chia人山人海非常燒熱鬧，沿路lóng有真chē攤販kap大量ê遊客，但是m̄知影為什麼近十年來jú來jú少人來chia遊sńg，tùi in失落ê眼神kap口氣看會出in ê無奈，chia是八卦山，出名ê八卦山大佛就tī咱頂面ê所在，真oh想像當初chia ê繁榮，因為現在chia差不多無人，我想咱若m̄是因為ài做報告，mā bōe特別來chia，真正是真可惜，chiah-ni̍h美ê所在，只ē-tàng漸漸被淘汰。

頂禮拜kap學長學姊去彰化南天宮參觀十八層地獄咱十一點出發先到彰化火車站附近ê肉圓店食午餐，這是我第一pái食南部ê肉圓，真得非常好食，雖然有點á貴，一粒八十塊，tú好是一個便當ê價錢。咱來到目的地了後，行了一段真長ê下坡路chiah到入口，我siōng印象深刻ê是一開chiah會奈何橋，伊tī咱行到中間時會突然陷落去，我只被chit-ê嚇到而已，其它ê其實iáu好，裡面紹介了各種罪刑相對應得各種折磨，蠻發人深省ê，感覺chit-pái ê參觀非常值得。

昨hng檢查報告ê時chūn，發現文章選讀kah-ná太短，chiah 200多個字
所以決定beh多補300字左右，結果補完了卻有真chē無jōa會念ê。
今á日早起報告ê時chūn koh緊張，一直念錯

最近實在是真忙，每工lóng tī忙報告那無就是準備考試
感覺真有壓力，尤其是某幾科ná親像是日語kap台語。
本身是客家人所以有時chūn台語唸一念會加入去客語
客語念一念會有台語混入去

這禮拜五天有三天攏咧佮阮女朋友冤架毋知是因為in親情來也是別ê原因伊一直生氣我感覺是小代誌伊也愛佮我冤感覺真正足無好，佳哉最後攏無代誌所以阮兩个就快快樂樂去吃火鍋慶祝一下，毋擱我也是真討厭冤架ê時陣。還有最近阮厝彼隻兔仔毋知是按怎一直將伊上便所ê盆仔佮翻過去，原本好好ê屎攏翻佮規四界咧睏ê時陣也是直直翻吵到睏無去足想要佮吊起來拍拍ê，毋擱也毋甘佮教示伊遐古錐雖然伊真吵毋擱我真疼伊。

時間過得真緊，若親像是teh用飛ê仝款，我tī後面用兩隻腳追得有淡薄仔食力……不知不覺中我ê大學二年mā teh要結束loh。學了兩年ê台語，現在講台語嘛常常hō͘身軀邊ê人攏聽毋，干焦猶是掠不到正確的發音。羅馬字mā m̄是遮爾仔擅長，我常常家己看tio̍h課本却讀袂出來。這馬學期teh要結束loh，有一點了後悔無koh-khah好好把握時間，無好好á kā台語學ê koh-khah流利……我選擇讀台文系，台語是上蓋基本ê，是一定要袂曉ê，所以無論如何我一定會kā台語學好，共台語認證考試考hō過。我自細漢就無tī咧講台語，所以基礎比較差，毋擱我相信只要我莫放棄，繼續拍拼，總有一天一定ē-tàng追上大家。

最近班上發生真多代誌，有同學出車禍看in按呢感覺真痛傷口擱會洩血水出來看到真毋甘，我也提醒我家己騎車愛細膩毋通趕緊彼段時間我攏騎30~40爾雖然慢毋擱安全第一所以慢慢騎尚好，騎慢ê好處就是佇路上你會注意到平常無注意ê風景可能是一欉樹仔生做真特別，路邊小小間仔無起眼ê kám-á-tiàm攏真趣味微微ê風吹著慢慢騎車是享受毋擱騎車也是愛專心按呢四界看有時鎮也是真危險，最後也希望逐家騎車攏細膩攏莫出代誌是尚好，也希望同學趕緊好起來攏健健康康轉來阮身邊。