close
這禮拜的拜三，我去聽Selina-任家萱的演講。其實聽了真感動，伊講的一寡經驗對前幾工騎車犁田的我嘛有仝款的感受。毋過看伊這馬恢復了這呢好，伊也予我信心，我相信家己一定可以真緊就恢復過來。
佇摔倒的時陣，真正有一段時間是空白的，是用啥物方式摔倒的，又擱安怎予家己的機車硩著的，完全攏無印象，干焦記得我一直想欲peh起來，但是跤手無力，無法度甲車牽起來。後來就有人將我的車牽起來，而且甲我扶去邊仔歇睏，一直問我欲去病院也是無愛去，欲叫警察也是無愛，我攏無法度回答。
這馬想起當時嘛是也感覺足恐怖，雖然傷是真嚴重，無法度行，毋過佳哉只是皮落去，骨頭無傷著，免開刀，只要好好歇睏，真緊就會使好起來啊。
逐家騎車愛較小心的，毋通佮我仝款受傷，會真痛喔。
全站熱搜
留言列表
