Hongtin Tsok-gia̍p bāng

這禮拜六有一個足重要的代誌，我真正期待足久足久啊，著是我上愛的歌手團體in的演唱會！細漢時無法度家己去台北看演唱會，所以我從來毋捌看過in的演唱會，三年前團體內底有一咧查某囡仔受傷了真嚴重，乎我體會著若是想欲做的代誌一定愛去做，因為你永遠不知影天公伯啊後一步會乎你啥物考驗，所以我著決定一定愛去看in的演唱會，舊年in復出的時陣我抑有去台北看表演，雖然真累等真久，無閣我感覺足值得！所以這擺大型的演唱會我一定愛去！

　　這裡拜是阮欲辦「家聚」，因為阮是三个家做伙辦，所以人足濟，阮就想講欲藉系館的F201教室，猶無擱系辦的小姐竟然無欲予阮借，而且擱共阮講這是學校的規定，嘛提一張公文出來予阮看，講頂懸有寫系館干焦會當借一間教室予學生使用，阮攏無看到彼條公文，所以阮就拜託伊指予阮看，結果伊就無欲采阮，一直講啥物阮佇咧浪費伊的時間嘛咧浪費阮的時間，猶無擱是伊家己的理論無法度予阮認同，而且講話嘛前後無仝款，按呢是欲按怎予阮相信伊？系辦小姐甘是按呢做的嗎？

頂禮拜台灣文化概論的課，是已經乎人期待足久的日子--去九天參訪。開一段時間騎車到九天，經過團長簡單介紹了後，活動連鞭著開始啊!阮這組真省運，第一項分配到的是畫面譜，乎阮在續落來體驗挵鼓佮三太子的時陣，面頂已經有面譜啊，彼咧屈勢著是無仝款。挵鼓嘛是真趣味，雖然沒啥物基礎，毋過in教得誠簡單，乎我真緊就學起來了，只是挵一下仔手著痠啊，看起來猶原需要加強。

跳三太子是所有活動當中通蓋困難的，毋但跤步複雜，而且身軀頂偝一尊尪仔，會當看著的視線足細，所以跳加亂嘈嘈，後擺有機會一定愛好好學。這擺的經驗真是傷讚啊，這寡文化就是應該好好被保存下來，希望了後擱有機會去參加。

最近期尾考到矣，有足濟科攏愛考試，最近就愈來愈晏睏，攏到半暝1.2點睏，昨昏想講較早睏咧，毋過嘛到欲1點去矣，今仔日較早下課想講來睏一下，結果一直做惡夢，而且閣是2段無仝的時間，毋過是連續的夢，夢中我看著家己的目睭，歸个浮起來，閣有血絲，閣廳著有人講我閣哭一擺我著會死矣，聽著一句話時我著醒來矣，了後我閣睏起矣，我閣夢著一個夢，夢中我的目睭嘛是足疼，我騎著機車，一直騎一直騎我雄雄發先，我的機車停袂落來，了後我著挵著鐵支路，上後一眼著是我的機車破糊糊，我足想欲吐，著昏去無閣起來矣…..我想這應該是我最近睡眠不足所引起，但是夢中的景象也是予我感覺足恐怖。

這學期著欲結束，時間實在過了真緊，期尾有真濟考試、報告，真正是足無閒，我嘛真緊張，毋但是因為功課，嘛是因為這擺欲出國是我負責，有真濟代誌需要由我來處理，親像我最近著就是咧辦機票，負責收錢，交錢予旅行社，閣愛佮馬來西亞彼爿的學校聯絡，實在有真大壓力，後學期開始我著愛開始修教育學程的課，我想我會比這馬閣甲無閒，我會閣我的重心囥佇學業頂懸，我想後擺可能就無時間會當除國去做志工，我想我一定愛好好把握這擺出國的機會，希望家己會當學著真濟的知識，累積家己的人生的經驗，媽媽媽閣我講後擺你會當出國去做打工度假，體驗無仝的文化，媽媽閣提起一个例，著是我的阿叔伊佇日本咧做工課，分享阿叔拍拼的過程，伊講你後擺嘛會當家己趁錢去日本揣阿叔𨑨迌，去遐看覓無仝的生。

學期末實在是誠恐怖，寫袂了的功課佮考袂了的試驗，逐工攏有做袂了的代誌，誠希望有小精靈會使幫我甲代誌做予了，想著這學期，我實在表現誠䆀，毋知家己咧做啥物，過了這个歇熱的時間，著欲升三年啊！袂使閣按呢落去啊！希望下學期我會使好好啊讀冊好好啊認真，往家己的目標行，升三年予人真驚惶，足驚學分會修袂了，抑是學校閣變卦烏白改課程，使人頭疼。

頂禮拜佮文姿閣阮小妹去科博館，實在足好耍，雖然已經去過幾若擺，嘛是感覺有無仝的體驗，唯一不足的是設置欲予人耍的機器，大部分攏歹去啊！干焦逐擺我去攏是歹的，毋知伊當時才欲修理？

　　最近因為欲做口語傳播的錄音作業，所以讀了蛇郎君的故事。

　　我是感覺，做人莫傷貪心，不是你的就莫去數想，親像錢這種物件，若是用不妥當的手段得到的，敢會安心? 我毋知影故事中的大查某囝害死小妹了後，逐工半暝攏袂夢著in小妹嗎 ? 閣來是聽著變成鳥仔的小妹講的話，敢袂感覺恐怖?抑是大查某囝就是想講歹代誌攏做啊，就蹽落去啊!

想起當初拄入來大學ê時陣，除了學校規定卓師生一定愛參加一个社團一學年以上，閣因為班上有袂少同學嘛有參加，加上我家己本身嘛足想欲學正確ê發聲方法、唱出好聽ê歌曲，所以著決定欲加入鐸聲合唱團!

無想到一加著是三年，佇遮我揣著一群有仝款興趣ê朋友，閣有一个充滿溫暖佮快樂ê家庭。阮同齊創造了真濟ê活動佮回憶，佇這當中我嘛學著真濟物件，毋管是音樂方面，抑是身為一个領導者應該愛有ê責任佮能力，以及佇團體當中欲按怎合作、分配工課、互相鬥相共等等，攏予我成長真濟。

           這禮拜寫的生活週記是第十一篇，真遺憾的是頭前十篇我攏有準時交，上尾仔一擺的生活週記竟然予我袂記得，可能是因為愛準備期尾的考試抑有作業、報告等等，抑有六月的公司員工訓練，真濟代誌積做伙予我頭腦攏無清楚啊！

    總算是看了矣。因為定咧看羅馬字佮台語冊，所以鄉史補記對我來講是袂傷歹接受的，顛倒是愈讀愈趣味，情緒嘛不知不覺予牽咧行。看了這篇小說，有時陣就會感覺身為漢人有淡薄仔見笑，無論是早前或者是這馬，咱定定有喙講別人無喙講家己。因為我的家鄉蹛真濟平埔族的朋友，所以看到漢人欺負平埔族人的內容時，就會歸腹肚火!這篇小說提醒咱無論你屬於啥物族群，咱身軀頂流的攏是台灣人的血，應該愛互相扶持，因為咱攏是一家伙仔J

佇咧兩禮拜前，我過了我人生當中上重要的20歲生日；我感覺這个20的背後，除了是歡喜過生日以外，猶閣有真濟責任、任務，佇咧煞落來的10年中間咧等待我，我講笑詼講這號做”黃金十年”,因為煞落來的這十年，必須要面對的代誌實在是傷過濟矣!第一个愛面對的人生課題就是未來到底是欲繼續讀冊，猶是出社會吃頭路?若是繼續讀冊，我閣欲繼續讀台灣語文嗎?又擱是另外一個問題；出社會吃頭路，按呢，我欲做啥物?第二个人生功課就是成家立業，找到好對象，適合不適合，雖然講這馬晚結婚的人愈來愈濟，毋過早結婚的人猶是不少，所以找到適合的對象也是真重要的一個問題，結婚是兩个家庭的代誌，所以一定愛非常注意。猶閣有足濟代誌等我慢慢仔煩惱~~~20歲矣!!

忽然感覺壓力真大，我毋知影原來予壓力追著跑，真正會有袂堪得ê一工，有真濟料想不袂到ê代誌，不斷ê走出來，我強袂予淹去矣。我總是想袂佮代誌做好，毋閣紲發現家己ê能力有限，無法度全部ê完成，這種感覺真正足䆀欸。有時陣嘛會想，當你堅持著一個原則毋肯放ê時陣，是毋是予家己無成長ê可能，但是又閣無想欲放棄，這種感覺足難選擇。真忝，足想欲放家己一个長長ê假期，無得確我應該予家己重新面對自家己，重新歸零。予家己一个重新出發ê動力。

　　終於要放暑假矣，雖然暑假嘛是有真濟代誌欲做，猶毋過至少袂像這馬按呢七早八早著愛起來上課，會使睏甲較晏，好佳在期末是報告較濟，考試較少，我個人是佮意報告，報告了後著無代誌矣，猶毋過考試閣愛先準備真久，考試ê時陣嘛有可能袂曉寫，好佳在期末ê報告我攏是真早著愛報告矣，會使予我專心準備期末考，希望今年我著會使共台語檢定通過，按呢明年著會使專心準備別ê檢定，我嘛希望我家己會使通過閣較濟ê檢定，這是我對我家己ê期待。

我是一leh計程車囡仔，會阿ne講是因為我出生佇計程車上。彼時阮媽媽只有一个人佇厝，大腹肚e她疼甲哀哀叫，希望趕緊有人來救她，好佳哉爸爸這時陣拄好作穡轉來，聽著媽媽咧喝咻（huah-hiu），趕緊衝去，爸爸隨喝計程車載媽媽去病院，佇路上媽媽已經痛甲毋知人阿，到病院tsiah發現我已經出生佇媽媽e褲內，規台計程車攏是血，我佮媽媽e血。一个拄出生e嬰仔面色白蔥蔥，哭聲攏無哭出來，護士小姐趕緊ka我抱起來，ka我倒反，然後uì我e尻川（kha-tshng）拍落去，一直拍到哭聲喝出來，終於，我哭阿，阿爸阿母吐一口氣，in笑阿。我順利出生，開始我e人生。

大漢時，序大人攏e笑講，這咧囡仔坐計程車攏免錢，另外一个序大人就講，按呢成可惜，那出生佇飛行機頂懸，按呢坐飛行機就免錢阿，就會當四界出國去七逃。