Hongtin Tsok-gia̍p bāng

  禮拜一，我佮思諭作伙去中興大學聽史明老先生的演講，因為前一陣他跋倒，所以面上有烏青凝血，予我實在是真毋甘，高齡九十幾歲的他，講起他的人生經歷，猶原是真有精神，他細漢時蹛佇潭子墘，細漢時著捌林獻堂、蔣渭水，毋行中受到啟發，開始有反抗的意識，後來他閣親自抗日，發現雖有林獻堂、講渭水等英雄，台灣人有家己的性格卻無夠有志氣，一戰了後，獨獨台灣依然予人統治，毋人敢大聲表達想法，少年的時陣毋願意作醫生，最後選擇早稻田大學經濟政治科學習，全班干焦他是台灣人，1941年太平洋戰爭，日本反敗為勝，他的同學攏真願意參加神風特攻隊，史明先生因此受到真大的刺激，體悟到人生的道理毋是學科上的知識，顛倒是學習人的部分，人存在的意義佮目的。

 
  他嘛認為反鬥爭是人生的一面，毋是全部，人佇社會的情形下，合作是必要的，因位統治者的不當施政，才開始有鬥爭佮反抗意識，人與一般的生物攏愛經歷生長更替，佇台灣的四百年內，有獨特的歷史，但是台灣人卻無作過自己的主人，顛倒予外來統治者助經濟上剝削台灣。(台灣日治時期已經開發足濟土地，國民黨來台實施土地改革，但是近四十甲的土地卻流入國民黨手中，吸收台灣人的錢進行投資。)

 
  後來他嘛有參加國共內戰，發現馬克斯的共產主義到中國的時，已經變質，對青島轉來台灣，發現國民黨親像中共隨意掠人(228、白色恐怖)，我想遮應該是史明先生到這馬攏足討厭國民黨的原因之一吧。

 
  最後他鼓勵阮，少年人應該愛有自由的意識，莫隨之起舞，愛實事求是，身為台灣人著愛讀自己的歷史，清楚統治者佮被統治者的立場，對史觀開始，遮唬我真大的震撼，原來以前我攏無親近自細漢著成長的土地，對它真無了解，史明老先生遮呢濟歲，猶原對台灣的未來奮鬥，我想遮是我愛佮他好好學習的。