青春記事6-李思諭－Hongtin Tsok-gia̍p bāng

這逝去走大甲媽的旅程，毋但真正深深體會著信徒的誠心，家己嘛學著誠多，一路上看著足多媽祖的信徒為大家奉茶，準備腥臊的點心，予大家有得仔歇睏，這款無私的愛佮付出陪伴著大家一路上繼續走下去，這次大甲媽祖教師研習團為大家佮大甲媽的所有工作人員免費寄明信片共厝裡的人報平安，而且每一天的明信片攏無仝款，有仔人逐天攏來寫，大家攏感覺足甘心仔，我因為對著in，嘛學習著按怎用心看待每一个信徒背後的故事，佮繡旗隊的阿嬤開講的時，雖然我誠閉思，可是阿嬤誠熱情，兩个不熟識的人會當遮自然的打開心房，交流互相的生活，予我誠感動，沿路上看著的感動，閣較講袂完，心內滿是感激，感激遐足人的奉獻，予這次的大甲媽的活動會當遐邇仔順利，這擺的旅行真正是媽祖予我上美麗的記持。