Hongtin Tsok-gia̍p bāng

我lia̍h-tsuè講我的感冒已經好矣，結果閣較嚴重。

不斷發燒，進出病院，阮阿母每一工攏佇流目屎，我感覺我足對不起伊，為tio̍h欲照顧我，伊的功課就欲先囥一邊，攏無好好歇睏。阮阿爸就欲照顧阿公阿媽，處理厝內大大小小的代誌。我希望我的病會使趕緊好起來，莫予阿爸阿母tsiah-nī大的負擔，予我會當轉去學校上課。

這禮拜學運進入到另一个階段。

    為家己的未來拍拚!台灣加油!

拜四的時陣，我佮同學作伙坐客運到台北的立法院，下晡去的時陣，人無我想的濟，

但是到暗時了後，有愈來愈濟人參加，現場的工作人員真負責任的管理好秩序，

    最近逐家攏咧講福貿ê議題，我感覺真正足艱苦，雖然我嘛想欲去，但是爸爸講今仔日一定ê出代誌，透早看新聞，有學生予人刣，實在講，bé-英-káu實在是足惡質，逐擺遊行其實攏無效，伊是一个無咧聽人民心聲ê總統，遊行ê大學生佮教授真正是足可憐，政治人物逐擺攏共責任推予別人，真正足袂見笑，台灣人袂使

出賣台灣，但是阮ê總統卻是出賣台灣、人民ê狗，前日有一个教授說不知影學生咧pìnn啥？伊講學生予人利用，按呢是「盲從」，講一句較粗ê話：「恁祖媽咧，無你是捌啥?」雖然有人講台灣人若是無努力，有簽無簽攏是共款，但是bé-英-káu總統按呢作就是出賣台灣，就是毋著!!!!!!

    愛公平、愛自由！

    我相信，這禮拜尚矚人關心的就是『反黑箱服貿』，以學生為首的社會運動，聚集佇台北立法院抗議表達不滿。

    今仔日上課有一位老師問阮有去台北參加社會運動無，續落來閣問想法是啥?就當思考的時，老師就開始唱衰去參加的學生，講『學生會使去參加就是因為台灣傷民主，才會當予衝進去立法院亂，講不定對服貿條約啥物攏毋知?!』聽完老師安呢講我規个きもち就袂爽仔，我當面就佮老師嗆落去，我講：『學生傷主要參加這个社會運動是因為政服黑箱作業，這就是學生抗議佮訴求的原點，條約內容知抑是毋知識另外一回事，當中的內容影響台灣未來的國土，政府當時講簽ECFA台灣的經濟會h，結果勒?!經濟越壞，才閣偷偷簽這服貿條約，靠大陸維持經濟自頭就是錯誤的開始......』，然後我詳細講予這位老師知，這个條約的內容是啥，毋是盲目湊熱鬧。

上周假日轉去厝裡，佮家人同齊去三芝看櫻花，最近這幾年，流行大家同齊看櫻花ê風潮，每到花盛開ê季節，各種風景景點攏會出現滿滿ê人，嘛是真讚。

        最近攏佇咧落雨，春天欲來阿!因為食感冒藥仔ê關係，透早起床真正有淡薄仔痛苦。自開學了後，我ê魚又閣加五隻，昨昏咧觀察我ê魚時發現原來魚有鼻孔，感覺足歡喜，但是其中有一隻魚仔身上有一點紅點，我煩惱伊是破病啊，按呢就愛共伊抓起來，另外放。前幾工我看著大魚佇咧攻擊小尾魚仔，所以不知影是受傷亦是感冒。啊若講到我ê兔仔，伊亦是足愛吃，愈來愈肥，是一隻真有活力ê白兔仔，若是我透早起床沒無飼伊吃物件伊會起痟。飼兔仔欲一年，最近才知影原來兔仔有二十八khí牙，進前有共伊ê嘴剝開看覓，是無看著啥啦!毋過我感覺伊應該足無奈。

頂頂禮拜我佮同學做伙到電影戲院看電影，阮是為著欲看台灣的國片「KANO」衝過去的。雖然隔日愛上課猶有早起最早的課，毋過咱猶是為著這部野球的電影，一下課馬上就衝到電影院去。電影片長三个點鐘，全場無冷場！連我這個無啥物愛看野球的人攏感動到差一點仔就流下目屎啊，實在是就使人感動！

已經很久很久無置咧電影院目眶紅紅啊，「那款不要想怎麼贏，要想不能輸」，不顧一切只為了家己對野球的熱情、熱愛，對同伴之間的信任佮友誼，會當說是世間中最感動的一種感情

歇寒的時陣，阿兄約我去看霹靂布袋戲的展覽，自細漢我阿兄就足愛看布袋戲，

到這嘛嘛是，其實我家己嘛有淡薄仔興趣，一入去會場，

<虛幻ê真實>

燦爛ê煙花為著啥人綻放

    這禮拜予我感覺尚齷齪ê代誌著是未來ê出路，最近序大開始問，問我以後有想欲做啥無?我刷毋知欲應啥。

    其實我當初大學甄試入學時ê想法就是做國小仔ê鄉土老師，拯救囡仔ê台語，撼仔教in台灣本土的一寡文化共台灣歷史，了後無我想ê遐簡單，毋若愛學羅馬字嘛愛學漢字，毋過不管以後ê安怎、欲做啥，尚少加一項才情，俗語講一腳步一腳印，我想未來絕對袂辜負所學。

成果發表會了後ê chit-ê禮拜，生活感覺有一點空虛，雖然無了緊迫逼人ê活動，但是就感覺生命中kah-ná缺減少什麼，可能beh chhōe下一個努力ê目標，chiah ē-tàng kā生活過得koh-khah充實，結束loh頂禮拜ê緊張氣氛，chit-ê禮拜是閒閒無事做ê生活，落差siuⁿ大真是bē習慣。

終於到了表演ê這天，下晡三點下課了後，就趕緊走到社團辦公室kā物件放好，因為三點半kap學長有約，學長beh教我怎樣控制舞台kap表演會場ê燈光，無錯，這就是我chit-pái成果發表會ê工作，燈光控制。

tī行到控制室ê路上，tú好mā tú-tio̍h學長，kap我聊目前ê準備進度，無jōa久就行到了控制室，這是一間設tī舞台kap觀眾席後面ê一個小房間，入去了後面對舞台ê方向是一大片玻璃，所以ē-tàng完整ê看tio̍h kui-ê會場ê狀況，方便我控制燈光。

後一個禮拜就beh學期末ê成果發表，我kap吉他社ê同學這幾工lóng非常ê忙，差不多每一工lóng無閒到半暝三四點chiah去睏，雖然真正誠thiám，但是看tio̍h阮ê海報、社團ê衫、表演ê曲目，一個一個慢慢á出來，我感覺非常有成就感，而且mā非常ê開心。
Tī表演ê前兩工，tú好是平安夜，mā真接近冬節，所以阮社團決定beh煮湯圓，順續驗收表演ê曲目，所以就台頂teh表演，台下teh食湯圓，雖然外面真冷，但是裡面有湯圓kap大家ê熱情，所以我感覺非常溫暖。  

頂个月月底，嘛是耶誕節的彼禮拜，

2013年接近尾頭，遮一年，經歷足濟代誌給我成長，無閒課業、活動、系學會、營隊等，樣樣攏是挑戰，無擱我也是樣樣攏通過，實力愛靠累積kap多辦無共款的活動，現子時辦活動練成隨時反應隨時處理好。

接系學會以來，學校kap系上兩邊的溝通橋，雖罔有時有括代誌處裡無蓋好，淡薄仔拍無感覺可以更加好，系上每一位學生權益阮一向囥佇頭前，阮嘛是學生代表也愛對學校提出學生相關權益為逐家爭取，bē使給學校講一套做一套，常常就叫去問東問西，遐bē用遐bē使，綁手綁腳無夠麻煩，無擱阮也是打拼過來，盡力做好給大家滿意!