Hongtin Tsok-gia̍p bāng

    因為做期尾報告的關係，我看一本台語的詩集，叫做《沈默之聲》，作者就是林沈默。伊的詩主要是kah社會教化的議題有關，譬論講有一篇叫〈台灣母仔〉，主要是咧寫講中正大學受附近的五穀王廟捐六十公頃的廟產予in起學校，想袂著「房頭無親，近廟欺神」，佇2005年的時陣中正大學講欲國際化，就kah陳厝寮這个地號名改掉，改做「大學路」，講按呢才符合國際觀，其實根本就是忘恩背義的作為。佇這篇內底我感覺作者是真正實在咧觀察台灣的社會發生啥物代誌，寫成一首予人記持真深的詩！這本冊的確是直得收藏的一本好冊！

  這禮拜來到彰化藝術館，聽賴和紀念音樂會，我對伊ê印象，敢若停留佇課本ê圖片，佮伊寫ê文章，其他攏是真不了解，不過來到彰化，除了聽音樂會以外，多了足濟個意外ê。

五月足無閒，頂禮拜一學校有捐血車，我是一個愛捐血的人，

看到有捐血車來到學校，就想去捐，結果護士小姐佮我講，

五月十五日是社團評鑑的日子，前一工暗時，

我佮社團的人足認真的欲將資料用乎好，想沒到，就按呢歸暝無睏，

     頂禮拜暗11點偌,厝主(某)突然拍電話來,講是伊ê厝無愛租啊,叫我六月搬,連後就掛掉。我第一个想法就是欲告他，契約書面頂簽是到八月底，莫名其妙!攏無講原因。

     佇遮時間我去找足多厝,但是攏無滿意，最後隨便選一間，付完訂金3000箍了後,厝頭家(某)突然拍電話來講會使繼續住，我真正是規腹肚火，足白痴!!!五月初講欲起厝稅，連鞭3700連鞭3800，佇月底講無愛租啊！藉口是因為樓頂傷吵，隔壁掠狂。

    這禮拜我有去彰化市的文化藝術廣場參觀賴和的主題展，下晡去南天宮參觀頂港有名聲下港有出名的「十八層地獄」，實在時有夠恐怖，耍完了後心內猶原驚驚，因為軟的信仰就是像這，無親像外國的鬼屋，這的魔神仔和鬼差攏是青面獠牙，看到就起畏寒，毋過內容就是苦勸世人愛做好代，種什物因就結什物果，做人就愛老實，按呢才袂以後去予打落地獄。中晝去食真實在地的「彰化肉丸」，果然就是讚，有夠好食，Q塊塊塊塊Q，拄拄好，最後走去139縣道欣賞風景喝咖啡，順續看重機，看逐台重機佇遐phe，心肝頭就會癢癢，毋過一台塑膠車有限，慢慢仔na騎na看風景，安全第一。

    這个禮拜我kap同學同齊去幼稚園教冊，這擺欲教的主題是「來去動物園」，主要就是欲教小朋友講台語kap一寡仔台語的語詞，雖然講平常時無一定會用著，猶毋過至少in加捌足濟動物的名。小朋友攏真古錐，一班一班排隊排甲真整齊，阮講的話in嘛攏乖乖咧聽，並且照阮講的話去做。代先，同學先教in規个語詞，包括麒麟鹿、鱷魚、鹿仔、黑熊…等等。紲落來就照課文來教、解說，譬論講「歇睏日」就是放假的意思。雖然毋知in是毋是攏聽有，毋過看著逐个小朋友真認真咧聽課就感覺足有成就感！

    落尾，阮閣較小朋友跳課文的舞，逐个攏耍甲足歡喜，會當講這擺上課的過程是真成功的！一个課程的成功，需要足濟人鬥相共，包括教課的教示圖，就是沅靜準備的、舞蹈是汶宜編的、課文是瑋瑄和老師做伙寫的，那我是負責ka課文寫去大字報。咧教的過程中，閣要感謝學長、學姐的鬥相共，上重要的是何主任予我們這擺的機會去幼稚園教冊！希望後擺閣有機會會當去交小朋友台語！

<謹以此文敬521逝去的人們>

禮拜一，我佮學姊in去逢甲食飯，一見面就是互相答喙鼓，真緊的，in 欲畢業囉，猶會記得我佮 in是咧新生茶會頂熟識的，拄熟識的時，攏真有禮貌叫in學姊，熟識了後，攏袂記得in大我一歲，這三年，阮訂定鬧做伙，當然嘛有冤家的時，猶會記得大一的時陣，in 共我講，交女朋友欲叫伊來佮 in 耍，失禮，in 攏強欲畢業啊，我才交女朋友，大家攏真無閒，無辦法像以前彼種三不五時就同齊出去耍，這三年，講實在的，雖然lín有時陣會傲嬌，會使性地，但嘛因為有lín，予我的大學生活閣較美滿，美女，祝福恁畢業快樂。

          最近攏咧無閒欲去新港奉天宮發表論文ê代誌，有足濟課攏無上著，佳哉有同學ê鬥相共，才會當tuè會著上課進度，真正感謝。

    我的論文內容大概是咧寫講阮豐原地區有一間城隍廟ê正爐主神予人請去豐原一間媽祖廟號做慈濟宮，慈濟宮的人就講彼尊城隍爺是in本底就有--ê。講老城隍廟是私人管理無拍入公，袂當算是公廟所以袂當收緣金，而且私人廟袂當代表規个豐原的信徒的信仰，無「正當性」嘛毌是正統的城隍廟。遮ê話予老城隍廟ê人氣甲phu̍t-phu̍t-thiàu，就決定欲提出告訴。結果老城隍廟告贏慈濟宮，佇這咧過程中，老城隍廟成立新的神明會、盛大舉行遶境活動，就是欲予伊的聲勢越來越大，佇慈濟宮的城隍到豐原郊外另外建立新的宮了後，老城隍廟欲有所作為。用交陪境、神明會、遶境活動這三點來看，新的城隍廟攏比袂過老城隍廟，會使講老城隍廟佇咧豐原地區猶原保存伊的正統性kap信徒的支持。

  最近一直感覺足煩,一直落雨，一大堆物件想欲佇這禮拜做完，但是就是袂gén做，一腹肚火，毋知未來是欲做啥?本來我脾氣就足䆀，無想欲閣再因為火大去對別人歹聲嗽，所以這幾日我就有忍耐，但是應該袂太久啦!其實這幾工我因為有人沒帶我去教會感覺心情足䆀，真正是有夠討厭！每次攏有一堆理由，一點攏無尊中別人ê宗教。只要我留佇台中，就無法度去教會，一個月去兩擺，其實心裡足袂爽，猶有，大家攏咧無閒ê時，有人佇遐什麼攏不做，閣甲加己ê工作丟予別人，是咧按怎?有夠懶絲，對我是碎碎念，對加己ê妹妹就......實在是無公平。

這禮拜無閒煞，我就會當轉去厝啊，這擺轉去較特別，因為禮拜是母親節，以前穿制服的年紀，對這款的節日攏無關心，到去讀大學，佇外地讀冊了後，才開始會想厝，嘛才知影媽媽的好。這擺母親節我佮我弟買雞卵糕送媽媽，查埔囝較閉思無佮意共愛掛佇喙講，所以我佮小弟轉去，就真帥氣佮媽媽講聲母親節快樂，兩兄弟佮老爸就食起雞卵糕來，講實在，有這寡話真正會歹勢講，但其實，媽，咱真愛妳啦，遮濟年來辛苦囉，祝福阿母，母親節快樂!

我相信，人生中若無起起落落，絕對袂齊全，阿爸kah阿母辛苦做事賺錢，就是為著生活，嘛是為著阮!阿爸阿母辛苦阿!
拜三就是『新日興』營業的上尾ㄧ工，有頭有尾，感謝這幾年陪阮行過好朋友兄弟，感謝有恁的支持kah贊聲。

 <梅仔思想枝>

       這幾工大部分ê時間攏佇落雨，予我平常出門ê時間，也著因為按呢提早，閣愛攑箸雨傘，真正是非常ê無方便。

    這禮拜三阮系學會佇逢甲夜市辦「食字路口」的活動，雖然彼工落毛毛仔雨，毌過逐家嘛是足歡喜會當參加這个活動。一開始，我有較歹勢，原本約束工作人員愛六點到，猶毌過因為kah老師討論論文修改傷久，紲遲到。感謝和我仝組的工作人員先tshuân好物件，予我一到就會使進入狀況。

    代先，阮彼組抽著ê題目是「烤蝦」，落尾一項愛接到「豬血糕」。阮彼組的同學真正足厲害，才食第一項就想著後壁欲接啥物，因為第一名ê彼隊有三百箍的獎金，所以in真拚命咧耍，就是為著三百箍啦!

    這禮拜去后里的麗寶馬拉灣(早前叫月眉馬拉灣)耍水，毋是普通的有泳池niâ，

頂禮拜阮社團代表學校去亞洲大學參加中區社團運動會，阮比的項目是彈漆彈，有十幾間的大學，非常的盛大，雖然咱學校只派阮一隊，但是希望會當共獎杯提轉厝。第一場阮對上中國醫，中山醫佮中國醫一直攏毋著盤，果然是宿命的對決，所以這場阮非贏不可，佇討論戰術了後，阮對中國醫展開快攻，壓到敵方的據點，佇阮的默契下，這場拍贏中國醫，本來阮認為阮會一路晉級決賽，無想著最後一場對逢甲輸啊，雖然有點薄仔失望，但是我感覺阮是雖敗猶榮。

      這禮拜讀完一本冊，號做「不是路已走到盡頭，而是該轉彎了」，這是一本真讚的冊，俗語說：危機就是

五月開始，我的生活會真無閒，數起來嘛有七八項代誌，論文、教案、

廣播節目、社團影片、社團雜誌、系學會影片、系學會的活動，

這禮拜三，我佮班上的同學一起到修平科技大學參加

「走揣日頭好聲音」的廣播比賽，因為記毋對比賽的時間，