close
Kah你作伙已經三四冬，看到你漸漸成長慢慢大漢，看你為都出世的紅ko赤舌，變作穩重氣質的黃，看你轉大儂。時間毋知是緊亦是慢，你的囡子一個生過一個，每一個的表現也越來越好，我一直店其中偷偷阿kah你鬥相工，希望你會當學著閣卡濟閣卡豐富的物件。
代先，你學會曉合唱，使儂感動的歌聲，是頂港有名聲，下港有出名；閣來是打鼓，整齊的節奏，響亮的鼓聲，乎你閣一擺得到逐家的拍仔聲。漸漸越來越濟儂bat你，甚至連你家治嘛閣卡有自信。
所以你開始店各大比賽有優秀的成績，無論是演講、辯論亦是朗讀比賽，抑閣有精彩的活動，乎高中生參加的夏令營，大型的歌唱比賽，無儂會當kah你拼。
離開一定會無甘，但是戲卡好看嘛有sua棚的時間，你是我永遠的願望，你嘛是濟濟儂的心願，希望即的世界乎你閣卡濟的疼痛，有一日你一定會花開百日紅。
修辭 擬人 轉化 譬喻 引用 排比
全站熱搜
留言列表
