close
佇每一个人十九歲个時，總是抱著真濟夢想，當然佇怹這陣少年家个心內，嘛有一个夢想欲來做伙實現。
怹是四个佇真細漢著熟似个朋友，因為厝內个家境攏真好過，所以自細漢父母著攏栽培怹讀音樂，佇濟濟个音樂比賽當中，怹嘛攏是比賽个頭名，彼个時陣，有真濟人嘛講：「比賽若tn̄g-tio̍h怹，著ㄧ定無第一名个缺，」。後來佇怹考高中个時，怹嘛誠順利攏做伙考牢第一志願个音樂班。
尤勝翔：「看著秋天轉紅个葉仔，著予我想著浪漫時代个音樂，毋知佇浪漫時代个音樂家，敢是嘛佇這種環境完成作品--个？唉！有一種悲傷个感覺！」。個性天生多愁善感个尤勝翔，又閣塊感慨--矣。
姚志凱：「我攏揣無你，我著知影你一定閣走來相思林--矣，你中晝一定攏尚未食著毋？我有買你愛食个物件，緊趁燒食！」。個性ㄧ向體貼溫柔，閣真爻照顧--人个姚志凱，又閣來揣尤勝翔--矣。
尤勝翔：「你哪會知影我佇遮，我只是想欲一个人好好冷靜一下，所以m7成尚未食中晝。我等一下著無代誌--矣。」
姚志凱：「你閣講你無代誌，拄仔塊上音樂史个時，你个報告予老師三嫌四揀，閣予講甲無一塊好，你按呢袂艱苦？咱四个成績攏遮爾仔好，著毋知新來个老師是安怎攏塊刁難咱？勿艱苦啦！若欲哭，我个胸坎便便ooh！」
全站熱搜
留言列表
