close
序
「阿好嬸啊！食飽袂？」「食飽囉！永仔今仔日嘛遮早哦？」「緊來送送--ê，著會使卡緊轉去沃豆菜，按呢今仔日著會當卡早歇睏啊！」透早鬧熱的大市，有真親切的鄉土味，親像看著細漢的時阿爸佇田墘佮人相借問的情景，深深感動著施慶永這個對台北轉來的讀冊囡仔。
第一章
離開台北、轉來下港已經kúi-ā禮拜矣，施慶永ùi tāng仔開始定定睏過頭到tsím仔毋免亂鐘仔，已經慣勢這種生活矣！
豆菜送了以後，著愛閣轉來豆菜間仔處理其他的代誌。早仔，愛共豆殼用篩仔承起來，滇矣著共囥佇埕lin的架仔頂，澹的會當khē去做肥料，曝乾著會使khē來做枕頭；紲落來，愛ìm新的豆菜，共綠豆倒佇空的烏桶內底，撥予平才沃水，偆的著愛等半暝才會使做。這項空課是無趣味，毋閣會當有真濟家己的時間，kiau進前的頭路比起來，除了愛足早起來以外，其實無啥物通好怨嘆矣。
全站熱搜
留言列表
