Hongtin Tsok-gia̍p bāng

真歡喜我有chit-ê機會參加今年中部場ê台灣母語詩人大會。真chē人

lóng是專程過來聽演講，無論是台語詩人、老師、學生抑是對台語

詩有興趣ê人。當然本系ê學生差不多全到齊了，無到一會ê時間，真

緊to̍h無位子了。Chit-pái中部場請了宋澤萊、林武憲、趙天儀、蔡

宗餘、劉承賢等詩人來座談及吟詩，iáu有大三學長姐代吟詩集。我

真榮幸ē-tàng藉此見tio̍h 宋澤萊 老師本人，伊唸ê〈你ê青春，我青

春〉、〈一杯清酒〉這二首詩，聽伊唸，家己mā ē-tàng進入情境

裡，尤其是〈一杯清酒〉chit首詩，形式用類似元曲方式呈現真特

別，mā ē-tàng看出 宋 老師ê學習精神。我印象siòng深刻ê是學姐代吟

鄭雅怡詩人〈kán〉ê詩，詩裡充滿真chē lah-sap話，不雅ê話語，真

正kap一般ê詩無仝，而且mā是唯一一首以全羅方式輸寫ê文章，由學

姐代吟時ê氣口、聲調，koh-khah能傳達出作者想beh表達ê觀念。