close
以早ê人攏講「女子無才便是德」，毋過我ê阿媽是一个真正有智識有能力ê查某人。伊毋但是一个有才調ê老師，嘛是一个人人呵咾ê好媽媽，逐家搪著伊攏嘛足好禮。
阮阿媽細漢ê時陣蹛佇庄腳，雖然厝內生活無偌好，毋過伊並無因為按呢放棄家己，為著伊ê理想佮厝內ê向望，伊總是認真phah拼，欲hō家己有一个無遺憾ê人生。
雖然伊身軀邊ê朋友攏勸伊m̄通數想欲做老師，毋過伊並無因為安呢放棄做老師ê願望，顛倒更加認真phah拼爭取，事實證明伊ê堅持是對ê!俗語講一枝草一點露，因為阮阿媽ê堅持佮phah拼，伊總算是成功完成家己ê理想。
這má，逐擺過節攏有足chōe學生寄批共伊請安，伊攏會吻吻仔笑共阮講相片頂面ê學生是啥人，細漢時陣ê伊koh做啥物蠻皮ê代誌，看著阿媽教育遮爾tsuē出腳ê學生，我嘛足想欲做一个老師，為這个社會栽培更加tsuē有路用ê人。
全站熱搜
留言列表
