close
可愛的老大人
ALA098114 陳奕儒
親愛的囝兒序細，今仔日我想欲講一寡恁m̄知影的代誌，就是恁可愛的阿公kah阿媽，我的阿爸阿母，in的故事。
阿公是一個真趣味的人，伊雖然是大人，m̄-kuh tī伊的心肝內，親像住一個囡仔共款，愛拍球、愛食甜、愛講笑詼，嘛愛使姓地，kah伊做夥就親像kah朋友共款，無壓力，hō我的同學定定欣羨我有一個好爸爸。
恁阿媽少年的時陣，生做真水，學生時代足多人逐，雖然是按呢，阿公是伊的頭一個男朋友，嘛變成是一世人的伴。阿媽真合意讀書，合意思考誠濟代誌，文筆也真好，伊kah阿公交往的時陣，不時通批往來，我有偷看過，看煞會起雞母皮。阿媽的個性和阿公共款，真大方，好鬥陣。
總講一句，恁的阿公阿媽攏是真好的人，hō我快樂的大漢，希望我會當學習，kah in的好傳落去。這就是阿公阿媽一部分的故事，後擺koh講給恁聽
全站熱搜
留言列表
