close
我ê阿母是一个偉大ê女性，伊ê名字叫做Tiunn-Khó-bî，伊是一个真可愛的媽媽，伊定定甲我講，做人愛古意，tuí人愛有禮貌，而且愛認真讀冊，按呢以後才有好工作。我阿母雖然年歲大阿，但是伊猶原真活潑，定定hō大家真歡喜。
我阿母是一个樂觀ê人，無管抵著啥物困難，伊會笑笑，然後甲我講無啥物代誌是無法度解決ê。伊ê個性真溫純，我ê阿爸個性真歹，阿母猶原吞忍落去。伊甲我講，伊毋願甲阿爸冤家，為著家庭，伊願意吞忍。我相信我阿母一定是真親像我ê阿媽，因為我阿媽ê個性亦按呢。我真感謝我阿母ê辛苦，因為伊ê堅持，hō我ê人生過了真歡喜，足有意義，阿母我想bē tuí你講，你ê關心我一直khńg the心內，阿母我愛你，多謝你。
全站熱搜
留言列表
