close
這禮拜真正歡喜，我的高中同學拄好有閒，所以伊就來台中參加活動順紲tshit-thô，因為阮真久無見面啊，按見面開始就一直講話，講大學生活、講台中佗位好耍、講高中的回憶，有真濟話想欲講，講攏講未了，時間攏無夠用，好朋友就是按呢，就算真久無看嘛會使親像逐工見面。我想欲kah伊做伙佇台中四界踅，介紹家己上佮意的所在予伊，實在是有太濟物件會當佮伊講，希望伊會當佇台中耍了歡喜，按呢阮上好的回憶就愈來愈濟啊。雖然拜六拜日兩工攏走來走去，無好好歇睏，但是若是想著好朋友做伙的時光，精神就攏來啊！
全站熱搜
留言列表
