close
今仔日對我來講確實是一禮拜內底上快樂的一工，因為我干焦透早第一節佮第二節有課，所以我上佮意禮拜三的台語文學賞析，下課了後就會使快樂去食早頓啊！十點我就緊騎車去第二市場買真有名的王記菜頭粿、米腸和蛋，猶有對面賴記茶棧的豆奶紅茶，按呢予我食甲足飽，腹肚嘛真滿足。
中晝的時我先去一中商圈的中友百貨公司踅UNIQLO，結果啥物攏無買著，毋過欲離開的時陣因為我上過枵鬼，煞去買樓跤的冰淇淋來食，彼『甜月亮』的冰淇淋有夠綿、有夠好食，予我雄雄有一種幸福的感覺。下晡時轉來宿舍小眠一下，睏予飽飽嘛是一種滿足呢！
全站熱搜
留言列表
