close
前一擺欲去新竹燈會的時陣，因為時間算了無準，結果傷晚無法度擱入去，只好提早結束行程轉來台中。
重新計畫了後，阮揀一個禮拜六欲擱去一擺。這改學巧啊，知影一定足濟人，所以提早出發，以免擱趕bue7赴。
去到遐遮知影，這擺台灣燈會假使無來，實在傷無彩啊。花燈攏做了有夠媠，較早看過的佮這完全無地比
毋過著是因為太受歡迎啊，同時傷濟人kheh佇現場，欲走的時陣，火車頭完全無法度入去，為著無愛流浪街頭，只好開錢坐計程車去新竹火車站，遮順利轉來到台中。
因為時間的關係，無全部看了實在真毋彩，明年的台灣燈會絕對欲彌補這個遺憾
全站熱搜
留言列表
