close
我自細漢著真愛運動，幸運ê是，我ê學習力猶袂䆀，雖然攏無受過啥物專業ê訓練，毋過只要是有接觸過ê運動項目，親像乒乓、排球、籃球、羽球(ú-kiû)、游泳等等，攏猶有袂䆀ê表現。
像學校舉辦ê乒乓比賽，佮其他運動項目比起來，因為咱系上較少人咧拍乒乓，所以一年仔ê時陣我攏報個人比賽，一直到今年，系上總算人數有夠會使報名團體ê比賽!雖然因為時間ê關係，逐家做伙練習ê機會真少，毋過第一擺用咱台語系ê名落去比賽，最後閣提著第四名，真正非常歡喜!
閣有一件真趣味ê代誌，著是這三擺我比ê乒乓比賽，毋管是個人抑是團體比賽，逐擺攏是提著第四名，實在是真抵好呢!
毋過佇畢業進前，我想每一年我猶是會繼續參加比賽，嘛算是替家己ê大學生活留一个紀念!
全站熱搜
留言列表
