close
頭一擺看鄉史補記，真正予我頭殼真痛。雖然陳雷老師寫了足好，不過我是看甲頭昏昏腦鈍鈍。內面的人物毋但濟又閣複雜，親像講包心就是賴蔥，你這本冊若是無注意看，可能就會當作是無仝人。抑有足濟西拉雅族人改漢名，所以無細膩嘛有可能會舞毋到。所以講，欲分析冊內底人物的個性和經歷實在是毋簡單，愛詳細看才會了解規本的內容，不而過鄉史補記確實是一本誠好的冊無毋對。
頂禮拜去做2013第八屆亞洲輕艇激流錦標賽的志工，熟識真濟和我仝款嘛是對別間學校來鬥相共的朋友，抑閣有各國的選手和裁判。嘛因為按呢予我感受誠深，若是你想欲和外國人講話，佮英文和日文學好真重要。因為以前攏毋認真讀冊，所以英文干焦會曉上基本的爾爾，日文閣較毋免講，除了問早、問食飽袂，其他的我攏袂記了了囉!
全站熱搜
留言列表
