青春記事10-陳思涵－Hongtin Tsok-gia̍p bāng

　　這咧禮拜我用足濟ê時間去練習咱台灣語文學系欲辦ê送舊活動，阮班欲表演ê是跳舞，身為活動組一年級ê組長，無講愛傱來傱去，心內嘛有一寡仔煩惱，擔心表演ê練習無夠，擔心表演袂當予四年級ê學長、學姊佮意，家己予家己足濟壓力。

　　我發現這陣仔上課定定看影片，英文課看ê是「命運好好玩」，內底講ê是一个查埔人因為頭路、庄內足煩惱，一時激心去買一个萬能遙控器，伊會使用這咧物件掌握時間，但是真濟錯誤ê決定害伊失去伊ê某、伊ê家庭，伊進前上關心ê物件，對家己氣身惱命。好佳哉一切攏是眠夢，睏醒時伊嘛醒悟，人生毋是家己想ê遐爾仔複雜，對待伊在意ê人，無需要用金錢、物質去滿足in，伊只要真正用心去面對in莫逃避。臺灣史看ê是「好國好民」，影片內底有介紹足濟台灣這馬當咧為台灣人骨力打拼ê人佮團體，有人用音樂拍開臺灣佮世界中間ê枷鎖，有人用文學、尪仔冊去予外國人了改臺灣ê美麗。邏輯課看ê是「證明我愛你」，講一个查某囡仔遺傳伊老爸ê數學才調，伊老爸因為袂使承認家己毋閣少年起痟，故事真簡單但是真歹看捌，嘛毋知愛按怎講這咧故事才好。