close
對這禮拜開始，總算是會當專心讀冊囉！兩个社團的代誌攏告一段落矣！系內的代誌嘛攏差不多結束矣！我欲開始足認真足認真讀冊囉！希望期尾考的分數袂傷歹看！
這學期上尾的一件代誌就是鐸聲合唱團的送舊活動，雖然講阮合唱團欲送的長學姐無蓋濟，毋過阮每一个人攏挈出百分之百的氣力歡送學長學姊！希望予in有一个足美好、快樂的暗時，而且閣希望in會當懷念當初這个摻大家作伙打拚鐸聲合唱團，有閒的時陣就定定轉來共阮看！
佇咧送舊結束了後，真正深刻的感受著「總算是會當歇睏矣」！轉來到宿舍，看著眠床，嘛有一種足感動的感覺！就欲緊來洗身軀洗予好，佮我可愛的眠床好好矣來培養感情囉！
全站熱搜
留言列表
