Hongtin Tsok-gia̍p bāng

九工八暝的大甲媽，這是我頭一擺行，一開始對大甲出發時是足期待的，猶毋閣等我行到龍井欲到大肚的路上的時陣，我佮其他的同學就感覺規身軀無力、跤酸跤痛，就只好佇亭仔跤歇睏，彼時陣只感覺著前途茫茫。好佳哉！佇這咧時陣，有一台車出現矣！是空的香客服務車！阮就坐入去車頂，坐到大度橋的頭前就放予阮家己繼續行。

    時間過了誠快，又擱到期中考的時間，有足濟的報告愛做，閣有足濟的物件愛背，實在是有夠無閒，閣加上這禮拜日欲去南投表演，阮閣愛揣出時間去練習，不只精神上非常緊張，身體上嘛袂喘氣，結果佇咱隨著大甲媽出巡了後，無細膩就感冒啊，發燒、頭痛閣流鼻水，規个人誠無爽快，但是我猶原愛繼續打拼努力。

    這擺去大甲媽實在是就特別的經驗，隨著媽祖婆的鑾轎，咱看到一種力量，彼就是信仰，每一个人的心中，攏是足虔誠去祈禱媽祖婆會當保庇厝裡的大大小小，這馬，我嘛是祈禱媽祖婆會當予我身體較緊的好起來，繼續迎接未來的挑戰。

　　最近ê作業佮功課實在sī足濟，有散文課ài報告，猶有國文課兩千字ê愛囝ê故事ài寫，台灣語發音學概論佮語言學概論攏ài準備考試，台灣史嘛是有讀測報告佮上課心得ài寫，最近嘛欲看一本讀書會ê冊，叫作《龍瑛宗全集》，因為國文課ài討論……。因為有足濟ê代誌，所以我最近時在sī足無閒，無閒到暗時攏到半暝tsiah會當睏。

　　後禮拜sī期中考，我足驚惶。因為足濟作業ài寫，毋知影我寫了作業ê時陣甘有時間讀冊。足希望遮學期mā會當all  pass！！

今仔日大約十點的時陣發生地動，我坐佇教室內底，一開始逐家攏無反應，上驚地動的我馬上準備

　　今年(2013)的大甲媽遶境已經結束啊!別个同學攏是綴媽祖行九天，毋過我家己煞因為有代誌，所以提早兩工就來結束。這擺的遶境體驗真正感謝大甲媽，予我看了真濟無仝款的人生百態。原來，臺灣社會猶原遮爾仔溫暖。路上佮我鬥相共的人傷多，真正無法度逐个攏來好好仔說感謝，所有捌幫助過我的人，我干焦想欲講有恁誠好。

　　尤其我上蓋感謝財團法人大甲鎮瀾宮哨角隊，予我佇行大甲媽的最後一會使體會著遶境團隊的辛苦，嘛予我毋免閣再趕路，會使和媽祖做伙走完上落尾的這段路。抑有，我嘛真感謝大甲媽祖鎮瀾宮-e世代青年會，替我保管行李四工，實在是真拍謝嘛真感激in。