Hongtin Tsok-gia̍p bāng

禮拜佮阿爸、阿母、姊姊in 做陣去參加三姊的婚禮，拄著真濟趣味的代誌，予我感覺真好。一家伙仔隨人家己出發去台北集合，毋是做陣出發，我佮另外一个姊姊佮好運，順紲坐阿爸的便車上北，省了一筆車數，為啥物會較好運？因為厝內上北的第一站就是台中，因為按呢，車就客滿矣!

   感謝姊夫的款待，佇台北阮蹛了真四序的飯店，這是我頭一擺蹛遐爾好的所在，房間總共有四十幾坪，有唱廳、電動的浴桶閣有真濟物件，重點是伊真正足闊--的!會使佇內面走傱攏毋是問題。好耍的是伊的浴間仔佮便所竟然無設計門鎖，真正予人感覺真歹勢。

這禮拜日，我佮厝內的人做伙提早去拜清明，嘛有真濟人佮阮有仝款的想法，提早去拜清明才袂人傷濟，共攢好的物件佮水果佮金紙囥佇拜拜的桌仔頂，阮開始燒香拜拜，阮先拜地藏王菩薩，然後拜祖先佮土地公，清明節拜祖先，是共咱做囡孫的人講愛會記「食果子拜樹頭」，人愛「飲水思源知本懷恩」，清明節是真特別的民俗文化，是重視孝道的傳統倫理文化。

會記細漢時，爸母無欲予我去墓仔埔的所在拜祖先，有可能是因為我傷細漢，感覺予囡仔去遐無啥好，會記以前看阿爸無佇厝去拜拜，我就共阿母吵，吵講我想欲去，阿母當袂牢我的吵鬧，就載我去墓地的門口，叫我看一下就來轉，細漢時毋知父母的想法，這馬想想咧，講實在予傷細漢的囡仔去遐確實無蓋好，這馬大漢每一年攏會使佮厝內人做伙去拜祖先，「食果子拜樹頭」這確實是咱每一个人應該有感恩的行為，感謝祖先為囡孫的拍拼，予我這馬會使佇這个時代生活，有飯食、有衫穿、有厝通遮風避雨，雖然是小小的一間厝，但是煞是真溫暖的。

學習週記2

97AD006 張景軒

這學期真正足無閒，毋但有課業抑閣有社團的部分，雖然無閒嘛予我學著真濟的物件。

擔任社團的幹部雖然責任重、挑戰濟，毋過紲予我有足大成長，舉例來講：寒假的時阮社團接待韓國學生，我家己一个人幫in上課，雖然緊張毋過嘛是真順利教完，in嘛不時會用台語佮你拍招呼；抑閣有這學期因為欲爭取政府國的補助，所以要投計畫書，所以每一个人攏愛負責一个計畫書，我是負責蒙古的，我感覺這是一種真大的挑戰，因為以前攏無寫過，無過嘛因為按呢我學著寫計劃書的方法抑閣有簡單的教案是如何去書寫較好!希望我的付出會有結果，社團會當順利出國!

　　了後阮去糖廠食冰，平常時仔我罕得食冰，毋過冰廠ê冰予人有一種輕鬆佮清閒ê感覺，阮就按呢坐佇外口吹著東風，慢慢仔食紅豆雪花冰，拄入喙著融去，我上佮意全家做伙出去ê感覺。

　　暗時佮阿母去百貨公司買大甲媽欲用ê物件，我已經做好所有ê抵抗太陽ê辦法啊！終於會當做一个準備。

　　我入來台中教育大學的台灣語文學系已經有一年超過的時間啊。自拄開始寫毋著志願代碼，然後經過欲三個學期的學習，才漸漸知影我所讀的台語系。

　　但是我對這個系也有一寡看法，系上以保留傳統文化語言為目標，用心培養語文專業人才，但是系上的一寡風氣煞予我感覺是毋是矯枉過正，綴系上的課程來看一年到這馬的課程重複性實在是上懸，每一擺上課攏感覺敢若有聽過。雖然本系無誠濟年的歷史背景，但是這寡課程的編排敢若會使更加謹慎，更加過濾，老師教授之間也可以溝通，敢講恁毋知影恁教的物件攏差不多嗎?講到這著感覺非常無奈，恁從來毋重視學生的權益，煞要求學生愛按那，實在是予人想無通。

今仔日是拜三，猶是一个練排球的日子。

逐禮拜的拜一佮拜三攏愛練系上的排球，我是系上排球隊的經哩，經理的工作其實足簡單，揀球貯水……等等。毋過攏愛練甲下暗十點，實在是誠忝，毋過嘛誠歡喜！

這禮拜比較無聊，但是因為beh搬厝，á是真無閒。新厝真溫馨，有電視，有木頭地板，mā有大家共用ê灶腳。房東人真好，tshit個月hō͘我算真sio̍k，下一個月才收第一pái ê房租。搬厝siōng麻煩ê就是我ê一台小洗衣機，M̄知影如何處理，因為新厝放bē落去，好佳哉最後有聯絡到二手家具，hō͘伊有一個新厝。了後新厝離學校真近，中晝就ē-tàng回房間歇睏，一切攏真方便，現在真期待搬入去ê日子! 這禮拜嘛去教電腦，第一pái有長期ê工作，希望家己ē-tàng好好á教會別人，thàn錢孝順父母，加油。

    已經過一禮拜ah，我ê感冒猶原無好，逐工攏頭怳怳，鼻水一直流，實在真siān，這學期作業變足chōe，有一寡仔無奈kap頭疼。

　最近發現一間好食ê麵包店叫「樸實農場」，伊ê麵包ＱＱkoh鬆軟，mā bē足甜ê，而且足大塊足chōe，食起來天然天然，實在真無錯。聽講小Ｓ有投資一間麵包店叫「胖達人」，食過ê人攏講好食，彼間嘛是開tī公益路上，公益路頂頭真正開足chōe美食ê店！！

我前規工佇網路頂懸看著一咧足趣味的圖片，伊是一咧大人佮囡仔的對話。

大人講：「囡仔！聽講你去學校學算數學甲袂䆀，我問你一咧數學問題，敢好？」

前一擺欲去新竹燈會的時陣，因為時間算了無準，結果傷晚無法度擱入去，只好提早結束行程轉來台中。

重新計畫了後，阮揀一個禮拜六欲擱去一擺。這改學巧啊，知影一定足濟人，所以提早出發，以免擱趕bue7赴。

        禮拜五轉去的時陣，因為我的心臟跳的頻率有時陣會跳針，有時嘛會心頭悶悶，無爽快，所以阿母著𤆬我去檢查心臟。

        頭起先，護士小姐講欲照心電圖，我想講應該是像X光仝款，徛佇機器頭前，按呢著好矣，結果我錯矣，根本完全無仝款，是愛倒佇眠床頂，共幾個干焦吸盤的物件，貼佇身軀頂，因為我欲檢查的部位是心臟，所以著貼佇胸坎頂懸，害我誠歹勢，毋過好佳哉，是護士小姐替我貼的，若是查埔的……我毋敢閣想落去矣。

這禮拜五我佮國立臺北教育大學管樂社的同學鬥陣佇īn學校演出，其實這場演出原本是頂禮拜五就欲表演，猶毋過紲因為拄好當著世界棒球經典比賽，驚會無觀眾，甚至是予人嫌吵，所以遮決定欲延期。
其實這場演出佮我報名的史懷哲計畫的面試拄好佇仝一ê時陣，猶毋過，尾仔我考慮真久了後決定欲去表演，因為我若無去面試損失的干焦我家己一个，猶毋過我若無去演出，īn就一定愛另外揣別人，而且佮演出遮爾仔倚，嘛無一定練會成。所以就算講無法度去面試予我真艱苦，猶毋過對演出得到的經驗嘛算是彌補轉來甚至是超過啊︿︿

       拄才開學第四ê禮拜，我就感覺非常忝，代誌一項一項來，我嘛一項一項處理，雖然講，我有時陣有較貧惰，所以足多代誌攏會擠做一堆，使我感覺非常頭疼，時間若像永遠不夠用，一直乎時間逐著走，攏袂當歇睏喘一下氣，恐驚一喘氣，就會乎時間逐到，彼款感覺是非常恐怖，因為時間毋等人，所以只好一直向前衝，按呢才袂遲交作業，才袂乎扣分，分數嘛會較好，按呢就無免煩惱家己敢會乎老師當掉，對我來講，遮是一件非常恐怖ê代誌，因為按呢我可能就愛多讀一冬。

　　今仔日對我來講確實是一禮拜內底上快樂的一工，因為我干焦透早第一節佮第二節有課，所以我上佮意禮拜三的台語文學賞析，下課了後就會使快樂去食早頓啊！十點我就緊騎車去第二市場買真有名的王記菜頭粿、米腸和蛋，猶有對面賴記茶棧的豆奶紅茶，按呢予我食甲足飽，腹肚嘛真滿足。

　　中晝的時我先去一中商圈的中友百貨公司踅UNIQLO，結果啥物攏無買著，毋過欲離開的時陣因為我上過枵鬼，煞去買樓跤的冰淇淋來食，彼『甜月亮』的冰淇淋有夠綿、有夠好食，予我雄雄有一種幸福的感覺。下晡時轉來宿舍小眠一下，睏予飽飽嘛是一種滿足呢！

佇咧我較有時間ê時陣，我攏會四界去做志工ê服務，這禮拜，我去ê所在，是台中市西屯區ê「聽覺障礙語言中心」，遐上主要是咧服務ê對像是聽無著聲音ê小朋友。

       這禮拜的心情分享，我想欲來佮逐家分享我佮狗仔的緣分。

       我欲先講一个我小漢時真實發生的故事。阮厝捌飼過兩隻狗仔，毋過彼當時的我毋是真小漢就是非常的驚狗仔，因為佇我讀小學的時陣，若是放學我就會家己行路轉去厝咧，有一擺運氣真無好，搪著一群野狗，彼陣野狗一直吠然後向我衝過來，我真驚惶就一直走，無細膩煞跋倒佇土跤，彼陣野狗可能是良心發現漸漸仔停落來，但是彼當時的我規个跤頭趺攏破皮流血啊，所以以前的我是真驚狗仔的。