Hongtin Tsok-gia̍p bāng

    稍稍紀錄前兩禮拜發生的代誌：母親節轉去高雄，足久無佮全家人團圓，逐擺轉去阿爸阿母攏會tshuā阮去甲阮愛的餐廳（精彩火鍋好食！！），感謝阿爸阿母，我知影家己是一个幸福的囡仔。拜日佮朋友去逛義大，買著一件真媠閣真俗的洋裝（真推薦義大outlet的過季出清）。下晡去髮廊換一个新髮型。這禮拜一直咧無贏合唱團的活動，嘛終於佮空課告一个段落。

   頂禮拜看了大稻埕的二輪片（真趣味的片），有一句話感動著我，當日治時期的查某囡仔問現代查甫囡仔，未來世界是啥物款，伊講：「彼个世界足簡單，簡單到你想欲啥物，想欲知影啥物答案，答案著會在手邊，簡單到你會忘記家己想欲的是啥物款的生活」，聽了這段話心內底真有感觸，認真想想我是毋是正過著家己想欲的生活，想欲在迷惘中撮到目標。

   今仔日下晡去勤美，予家己歇困一个，看一夸冊了有一夸感觸。人的際遇需要緣分，有時陣我選擇等待，寧可等待正確的時機嘛袂當輕易接受，寧可佇機會來臨前充實家己，等待會更加知影疼惜，我始終相信機會是留予準備好的人，毋管啥物情形攏是。