close
頂禮拜日是母親節，阮厝裡食兩個雞卵糕喔！拜六是食素食的雞卵糕，因為阿妗食全素，所以阿舅著特別為伊準備無卵的雞卵糕呢！毋是我咧臭彈，我阿舅實在是｢新好男人｣，毋但會曉趁錢，閣誠顧家、誠疼某，以後我揣翁一定愛揣這款的！禮拜日的雞卵糕是我佮阿兄買欲予阮上親愛的阿母，自細漢到今，所有囡仔的代誌攏是阿母咧處理閣操煩，這馬我佮阿兄攏是大學生矣，會當家己打工趁一寡錢來回饋辛苦的阿母，今年除了卡片閣雞卵糕以外，我佮阿兄閣有買兩件真古錐的衫予阿母，因為伊總是買阮的衫，家己攏毋甘買。
全站熱搜
留言列表
