Hongtin Tsok-gia̍p bāng

          最近攏咧無閒欲去新港奉天宮發表論文ê代誌，有足濟課攏無上著，佳哉有同學ê鬥相共，才會當tuè會著上課進度，真正感謝。

    我的論文內容大概是咧寫講阮豐原地區有一間城隍廟ê正爐主神予人請去豐原一間媽祖廟號做慈濟宮，慈濟宮的人就講彼尊城隍爺是in本底就有--ê。講老城隍廟是私人管理無拍入公，袂當算是公廟所以袂當收緣金，而且私人廟袂當代表規个豐原的信徒的信仰，無「正當性」嘛毌是正統的城隍廟。遮ê話予老城隍廟ê人氣甲phu̍t-phu̍t-thiàu，就決定欲提出告訴。結果老城隍廟告贏慈濟宮，佇這咧過程中，老城隍廟成立新的神明會、盛大舉行遶境活動，就是欲予伊的聲勢越來越大，佇慈濟宮的城隍到豐原郊外另外建立新的宮了後，老城隍廟欲有所作為。用交陪境、神明會、遶境活動這三點來看，新的城隍廟攏比袂過老城隍廟，會使講老城隍廟佇咧豐原地區猶原保存伊的正統性kap信徒的支持。

    這个論文我真用心咧寫，嘛愛感謝培雅老師替我改足濟擺，才會當完成一篇一萬偌字的論文，實在講，論文kap平常時交的報告無仝款，所以愛加練習才會寫了好勢！

下跤這張圖就是老城隍廟的城隍。