close
頂禮拜五上尾兩節个通識課，因為老師有代誌所以停課，我著歡歡喜喜早早坐車轉去台南，頂禮拜日是重要个母親節，咱兜一家伙仔佇拜六真早著起床，予爸爸開車載咱到屏東林邊去佮阿媽閣有爸爸遐个親情食海產，逐家鬥陣慶祝母親節，毋是我咧講，遐个海產實在新鮮擱好食，嘛看著真久無看著个親情，予我食了足歡喜呃！了後，媽媽擱拿出伊買个康乃馨予咱遮个囝仔送予家己个媽媽佮阿媽，咱嘛做伙食無法度來个表兄佮咱買个兩个雞卵糕，過了一个鬧熱个中晝。
這暗咱一家伙仔猶去阿媽（外婆）兜佮阿舅阿姨怹鬥陣食飯，毋只阿媽，咱嘛有送阿妗阿姨康乃馨，最後擱食了一遍雞卵糕（看來我欲減肥囉！）。看著兩个阿媽佮媽媽怹歡喜个笑容，會當予怹遮呢仔快樂，我感覺足滿足矣，希望怹逐工攏遮呢快樂！
全站熱搜
留言列表
