close
連續劇“Woman”心得感想
這个禮拜我看了一个日本的連續劇，伊叫做”Woman”，就是查某人的意思。劇情是佇咧講一个單親媽媽失去翁婿，辛苦tshuā大兩个囝仔的故事。
這部戲總共有十一集，每一集都有足感動人的元素佇內底，會使人那看那目屎滴。
佇悲傷的劇情背後，伊想欲表達的物件到底是啥物？
除了看着母親犧牲家己的身體健康，辛苦做工課趁錢，乎囝仔食飯讀冊的根性；嘛看着親人之間，無論啥人犯了啥物款的錯誤，抑是有偌大的矛盾，攏是會當說明共解決的。
「親人，是一陣袂講再見的人。」無論分離偌久，in永遠攏是你不可取代的家己人。
推薦逐家去看這部戲喔！
全站熱搜
留言列表
