close
阿媽
外濟年的寒霜
白了頭頂絲絲的青春
汝講儂老矣 目睭無好
眼內煞攏是囝 攏是孫
細漢ainn7我去菜市仔
「頭家，敢會使替阮孫抾『ni-tshui3』？」
早起看阿公抱我佇門埕
「阮孫嘛欲佮恁做伙去讀冊哦！」
食Lingo當做呸甘蔗
「有夠討債！」
放我一个佇厝哮，汝上毋甘
汝tshua7我信菩薩
雙手的皺痕 是迴向予我的痛疼
唸珠一百空八粒的操煩 一聲一聲
無想家己的身體，我上毋甘
南無大慈大悲救苦救難
觀世音菩薩
遠遠的思念 我遠遠塊聽
聽阿媽一字一句
唸予囝孫平安 代代永紲
我塊聽...
使用修辭
白了頭頂絲絲的青春：轉化、借代
「頭家，敢會使替阮孫抾『ni-tshui3』？」：引用
早起看阿公抱我佇門埕：視覺摹寫
放我一个佇厝哮，汝上毋甘：聽覺摹寫
雙手的皺痕 是迴向予我的痛疼：隱喻
全站熱搜
留言列表
