close
雞公的聯想
一工透早著開始
好天歹天的載起
無論日頭炙豔時
抑是烏雨綿綿日
雞公永遠真準時
時間一到著開喙
日頭有時猶袂醒
伊著趕緊叫咱起
毋管是我抑是你
有時淡薄討厭伊
本來拍算等遮起
總是予伊吵吵醒
嘛是有人佮意伊
聽著伊聲真歡喜
起床洗面洗喙齒
新的一工著開始
以前若無鬧鐘時
逐个人著愛靠伊
若是無伊叫咱起
絕對睏到過午時
所以咱愛疼惜伊
因為伊真有義氣
替咱做足濟代誌
悲傷快樂猶原是
可憐雞公無家己
真少看伊目屎滴
有時難得發脾氣
辛苦總是吞落去
毋管是牛抑是馬
做牛做馬做狗爬
動物實在有夠衰
抑是做人上好過
人講歹事若做濟
時到一定有問題
毋但家己予人罵
拖累囝孫慘lê-lê
若歹事猶原做濟
死了轉世袂好過
鼠牛虎兔龍蛇馬
不知會變佗一个
毋管是好抑是䆀
做人袂使傷囂俳
一切家己做得來
袂當怪東佮怪西
因為實在真煩惱
所以寫予恁參考
毋是希望人呵咾
願你聽會落遮好
全站熱搜
留言列表
