Hongtin Tsok-gia̍p bāng

冊名:三十珠淚歌

內容大意

這首唸歌是teh描寫一個女子kap伊ê情人分開，伊對情人ê思念，用唸歌ê方式表現出來，總共有三十段，每一段攏用數字做開頭，對第一珠淚到第三十珠淚，在在看出女子不甘送別情人，一邊流淚一邊拽手道別，使人不甘，愈kap伊看落去，情緒越來越強烈，到尾á甚至是「淚淚流完、淚淚成血、珠淚滴滴紅、珠淚血滿面，珠淚血流盡」，用詞越來越爆烈，這攏是代表女子是一ê癡情ê人，kap伊對感情ê執一，因為伊所有ê情感攏是為君一ê人，願望兩人ê心會凍久長作伙。

心得

這是一ê女孩子對情人ê盼望，使人感動，伊將伊ê感情清清楚楚放在歌詞內底，內容淺白，每一句攏是為著愛情所寫ê，兩ê相愛ê人不得不分開，這種分開ê情感使人痛苦，就親像是「月老姻緣錯推排， 一人分開一所在」，「閻王註定咱歹命，即着折散分路行」相共，koh親像是互天公伯創治ê人生，使人無奈但是mā無法度會使反抗。第一擺讀歌仔冊，感覺有淡薄仔長，但是會使互台語更加進步，看古冊，更加會使感受古早人ê台語韻律，這攏是有幫助ê。