close
今嘛這片烏陰天
敢是以後離袂開
當時離開那一暝
你轉過頭目睭閉
心內激動無出喙
隨著北風飛上天
以為今後就獨立
看過高山和海邊
酸風冷雨無情意
淋你一身雨水滴
不過猶原記在心
所有理想甲志氣
飛過迢迢千萬里
想著成功的日子
只是天不從人意
摔落受傷擱斷翅
病痛拖磨無了時
自悲自嘆無助益
你嘛想過愛站起
想欲勇敢過現實
無顧疼痛重展翅
一次一次摔歪崎
煞想當時若摔死
好過斷翅飛袂離
當初滿滿的志氣
說愛上天的約定
所有心事在逗纏
無知按怎過日子
行不動嘛飛不起
滿腹理想剩稀微
逐日茫茫到深更
生活全然無滋味
想欲飛離開這邊
離開所有不如意
但是斷翅擱失志
信心不知置佗位
想欲放擱放袂開
家己意亂又煩心
找無堅強的意志
反正早就沒意義
你開始欺騙家己
假做攏無事發生
瘋瘋傻傻別在意
歡歡喜喜過一生
不過只是一齣戲
不用如此看不開
假使真正是真理
為何你猶原傷心
（記斷翅老鷹）
全站熱搜
留言列表
