Hongtin Tsok-gia̍p bāng

2009.5.10母親節—陳旻華

窗外月娘光光光  予阮想起迄當陣

初期有身來反腹  瘦ka無tshun一个款

中期腹肚若沙包  予你提來練拳扑

「啊!」一聲    是我對你疼痛的回應



窗外夜色暗暗暗  予阮想迄一暗
心肝倒踏蓮花來出世 
我緊張   我煩惱   我哀叫   我流tshìng 汗   我出力   我疼到死死昏昏去 
一切攏是為著你 阿母的寶貝

你發燒   你受驚 
我日日夜夜祈求你無緣的兄姐 
鬥陣保庇這個寶貝小弟平安無代誌
看你會行   看你會叫   看你大漢娶某閣生囝   家庭事業成 
心內感覺非常的光榮



窗外烏鴉啊啊叫  予阮想起迄一日
你講欲帶我去醫院身體檢查 
怎樣放阿母一個佇這幾若冬 
相信心肝你是真無奈 
才會無法來排改



窗外月娘圓圓圓  予阮想迄禮拜日

2009.5.10的母親節  向望咱母阿囝團員 
閣再一拜聽著     「阿母! 我愛你」

感嘆 摹寫 借代 譬喻 映襯 類疊 層遞