close
愛睏草
閉sù的外表之下,
總是惹來別人起跤動手的創治,
退休軍人這個秘密─敢有人知影?
人生的頭一站,
In有順序的一個接一個排作一隊。
一隊一隊對予齊,排予倚,
因為團結的力量,
所有的隊伍攏結結作伙,
閣較強的敵人攏毋驚!
風風雨雨鬥陣行,
大風大湧無算啥?
In的血佮in的汗,
換來永遠的和平。
有開始著有結束,
驍勇的軍團,
也是有解散的一工。
作陣約束好,
以後的日子,
軍人這個身份袂當漏洩,
愛平平凡凡過一生。
分開了後,勇敢的伊煞變一個人,
不再是以早的伊矣!
共伊摸一咧,
著予伊驚甲欲死,
頭犁犁,
身軀結歸圓,
最後予人軟土深掘,
變成人人欺負的對象。
伊也是真厲害,
烏矸仔貯豆油,
著算無刀無槍也buâ緊,
用著上便利的針來保護家己,
予傷超過的人唉爸叫母喝毋敢!
伊欲共逐家講,
千萬千萬毋通看袂起任何一個人啊!
修辭引用、夸飾、呼告、類疊、映襯
閉sù的外表之下,
總是惹來別人起跤動手的創治,
退休軍人這個秘密─敢有人知影?
人生的頭一站,
In有順序的一個接一個排作一隊。
一隊一隊對予齊,排予倚,
因為團結的力量,
所有的隊伍攏結結作伙,
閣較強的敵人攏毋驚!
風風雨雨鬥陣行,
大風大湧無算啥?
In的血佮in的汗,
換來永遠的和平。
有開始著有結束,
驍勇的軍團,
也是有解散的一工。
作陣約束好,
以後的日子,
軍人這個身份袂當漏洩,
愛平平凡凡過一生。
分開了後,勇敢的伊煞變一個人,
不再是以早的伊矣!
共伊摸一咧,
著予伊驚甲欲死,
頭犁犁,
身軀結歸圓,
最後予人軟土深掘,
變成人人欺負的對象。
伊也是真厲害,
烏矸仔貯豆油,
著算無刀無槍也buâ緊,
用著上便利的針來保護家己,
予傷超過的人唉爸叫母喝毋敢!
伊欲共逐家講,
千萬千萬毋通看袂起任何一個人啊!
修辭引用、夸飾、呼告、類疊、映襯
全站熱搜
留言列表