Hongtin Tsok-gia̍p bāng

頭起先，念歌ê人先用幾句話紹介，吸引聽眾ê注意，然後開始念歌ê內容，
內容主要是台灣ê歷史事件，對三四百年前猶未開化ê台灣，自大陸渡過黑水溝來到台灣，
佇這塊肥沃ê土地趁食ê人，明末清初ê械鬥，鄭成功來台灣統治ê明鄭時期，直直講到續後ê歷史典故，
嘛寫到台灣ê地理行政ê改變，頭先分做天興縣合萬年縣，台南原名做府城，一府二鹿三艋舺，
這個大家攏知影ê話，這篇主要是對地理寫到人文，台灣人民猶未開化ê文化，彼種樸實ê文化，互咱了解著先民的打拼。

這篇念歌ê內容攏是咱大家攏真熟似ê內容，內底有歷史佮人文地理佮行政的ê部分，攏是咱對細漢就有ê觀念。
伊講：「許時文化未進步，亦無電火暗摸摸。點臭油夯真艱苦，一葩親像火金姑。」
用這種念歌ê方式，互人袂感覺到赫呢沉重，也袂對已經真熟似ê歷史事件感覺著真無聊，
我感覺這是念歌ê特殊ê魅力，吸引人去聽伊ê內容，然後對心內發出了有趣味ê感覺，用輕鬆ê方式保留台灣不同款ê生活風情，
我想，這也是另外一種台灣文化，台灣藝術ê趣味性！