close
一禮拜又閣過咯！真緊著beh期中考阿，予人足緊張矣！
這禮拜二，信翰老師請聲五洲掌中戲的團長王英峻老師來kah阮講解布袋戲，老師講甲真正足精采矣，伊閣有弄布袋戲予阮看，實在是真厲害，好親像咧看電視頂的布袋戲，遐爾精彩。真正足歡喜會使看著現場的表演。另外，老師閣予阮體驗耍布袋戲尪仔，實在真趣味嘛誠心適呢！希望後擺閣有機會會使看著按呢的傳統藝術表演。
這禮拜五台語讀寫課嘛換我上台分享我所做的台語報告，輪到我報告的時，心肝頭phi̍h-pho̍k-tsháinn，真驚講報告內容有做無好的所在，看佇我進前報告的同學，大部分加減攏有做毋著的字佮念毋著的詞，所以，猶未輪到我的時，我佇厝攏共報告內容一字閣一字檢查甲足詳細，毋過，我的字猶是有差錯的，我愛閣khah加油、頂真。
全站熱搜
留言列表
