close
本來對布袋戲無啥物興趣的我，因為這禮拜Sìn-hān老師請台中聲五洲布袋戲劇團的團長來演講，予我對布袋戲的看法有真大的改變，而且這位團長嘛是中教大的老師，予我真欣羨，因為團長上課的方式非常趣味，予大家笑咍咍，一點仔攏袂無聊。團長短短兩節課的時間，共布袋戲的演變歷史攏講一遍，予我知影布袋戲過去的昌颺，但也予我對布袋戲這馬的無遐流行感覺無采。布袋戲是一種會使代表台灣傳統的藝術，是愛經過長時間的訓練，才會使表演，非常困難，所以我希望布袋戲會使繼續傳落去，共珍貴的藝術傳予後一代。
全站熱搜
留言列表
