close
這禮拜毋知怎樣我一直足愛睏ê，而且按怎食攏感覺袂飽，佇宿舍房間內底，我的室友只要有人睏攏會關電火，這種動作實在真貼心，但．．．．．．．實在真有壓力，因為我真愛睏，所以房間定定因為我一個人peh起去暝床睏，著關電火歸間房間著變kah暗眠摸，予我真毋敢睏，雖然我有講過其實毋免觀嘛無要緊，因為對我來講有關無關攏袂影響，棉被蓋咧著睏kah毋知人啊，哪會去想著電火，佇厝內著定定睏的時陣袂記共電火關掉，隔工起來著予阮妹妹唸，有一擺房間干焦我一個人睏，隔工透早起來的時陣著tshoah一下，因為看著房間的電火光光，心內著想講:這聲電火點歸暝，電費毋知會磅去否?趕緊趁阿母無發現關關掉，若無....阿母是比妹妹閣kah恐怖。
全站熱搜
留言列表
