close
清明放假阮佮阿爸公司ê頭家、同事做伙去澎湖tshit-thô，天氣雖然無蓋好毋過阮嘛真歡喜，水上活動實在真好耍大家攏輪流一遍一遍耍，彼陣予海風吹ê感覺足輕鬆而且真快活，海面真大真清、海水也因為有兩種藍色重疊做伙，徛佇遠遠ê所在看過去就親像佇國外ê海邊仝款，實在足媠足媠。
這tsuā旅遊有一个真大ê代誌發生就是我學會曉食蚵仔啊！因為遮的海產實在是真鮮完全攏無臭臊味所以我就試看覓，想袂到生蚵仔用烘ê完全無味閣好食，細漢實在真戇竟然袂曉食這種營養ê物件啊。
全站熱搜
留言列表
