close
頂禮拜，去參加一年一度的大甲媽祖遶境進香，今年是第三年參加矣，第一年參加是因為課程的關係，毋擱參加了後，煞足佮意這個活動，看到台灣人另外一面，嘛只有佇這個時陣，遮會使放下其他的代誌，體驗無仝的生活，沿路的信徒仝款攢足濟食物予沿路的進香客，今年的天氣較無好，有時陣落雨，有時陣好天，每一年的參加，攏有無仝的體會，只有這個時陣，會使看到臺灣人互助的精神，逐家有共同的目的，雖然已經參加第三年，毋過今年是第一擺躜轎跤，媽祖的力量實在是真大，北斗整條巷仔攏是人，尤其是媽祖的轎欲到的時陣，若是無小心，就會有人受傷。
其實，我真希望明年會使擱來行，毋過出社會了後，這个機會就真少，但是我袂按呢就放棄，以後，一定有機會擱會使來行，擱一擺體會媽祖予咱的感動。
全站熱搜
留言列表
