Hongtin Tsok-gia̍p bāng

   拜一體育課的時陣，有幾仔人穿著超人裝來共阮宣傳一个活動，彼時陣阮共體育老師借淡薄仔時間去練習跳舞，所以in看到了後，就講in袂佮阮做伙跳舞，我佇邊仔看到感覺真好笑，因為in無學過，所以跳甲真奇怪。

  拜二，我有去聽歌唱比賽，毋過因為我無一直待佇遐，所以有一寡仔表演我無看到。毋過我攏有聽到同學唱的歌，平時恬恬的人，一行去舞台，就感覺人有淡薄仔無仝款，因為伊有自信。雖然結果毋是阮想袂要的，毋過我感覺會使上臺表演，就是一件真𠢕的代誌，因為我真無膽，而且唱歌嘛毋好聽，所以我感覺in佇我的心中攏是第一名。

  送舊的時間愈來愈近，所以我嘛愈來愈緊張。雖然我的動作攏有記得，毋過動作的精確度卻無真好，所以逐擺練習，我攏予若庭掠到我毋對的所在。逐擺的練習，我感覺我有一點一點佇調整我的動作，所以盼望送舊彼日我會使有真好的表演。

  拜日，我佮厝內人去南莊，一開始是袂去外婆家，毋過外婆去苗栗挽茶，所以阮就佇南莊市區行行，因為天氣誠歇熱，所以阿母就買一箱枝仔冰轉去厝內。