Hongtin Tsok-gia̍p bāng

    考試考紲啊！實在是真歡喜，毋過這個禮拜我猶有一?大考試，我欲考教育學程的考試，佇一年仔的時我有想過，我掠準我家己是沒興趣，自從我參加社團去接觸著教學，我才發現其實老師的工課，並毋是我所想按呢！舊年熱天，我去馬來西亞做服務，服務的內容著是去國中上課，自彼陣開始，我發現我家己，其實對教學嘛真有興趣，其實教學並毋是我所想的遐爾無聊，猶有這學期耀乾老師有請一位專門咧教國小台語的老師來教阮按怎寫台語的教案，我有去參加，感覺這嘛是這馬足需要的人力資源，我想這嘛是我以後會當走的路。
這禮拜嘛是阮社團舉行義買的禮拜，因為今年阮社團嘛是欲去泰國北部的國小做服務，欲教in華語，in是佇咧國共內戰時流落來的難民，所以in才會想欲學華語，因為經過幾仔代，有的人漸漸攏袂曉講啊!但是in抑是足想欲保留in原來的母語。我嘛足想欲去遐，毋過今年拄好我欲考台檢，所以可能會去捌的所在，這禮拜的義買收入全部攏欲捐予in，因為in的生活環境並無親像台灣遐邇好，希望義買會當順利進行。

頂禮拜考試，我煞破病，頭一工感覺嚨喉怪怪嘛無其他的病症，想講加啉水著無代誌，誰知影過一工爾，我的鼻仔開始窒，下晡開始發燒我身邊無退燒藥仔，所以我著燒歸暝，一直拜五的試考了，才騎著我的機車轉去厝。佇半路上我幾仔擺攏看袂著頭前的路，我的面前攏是白--ê，歸ê強欲昏昏去，轉去厝著一直睏到暗，拜五我本才有看醫生，但一直嘛是真艱苦，所以拜六我著直接去大病院看，病情才有khah好一屑仔，但藥仔吃了病抑袂好，病閣夯起來矣，歸ê人懶屍屍。

      頂禮拜是期中考，所以逐家真無閒，有的人愛準備教程抑是其他的科目。相對比起來，我是比較卡輕鬆的，只要準備系上佮體育課就會使啊！

    予阮卡緊張刺激的課是，茂賢老師的課，伊上課上到一半的時，就共阮講「白沙屯媽祖遶境」這馬已經行到台中大肚啊，叫阮逐家緊去逐，所以我佮一寡同學就組成機車隊，自台中市騎機車到大肚，翻山過嶺，佇阮到位的時，白沙屯媽祖就欲到啊，阮就趕緊走去頭前，準備躦橋跤，然後就隨著隊伍行一段路，祈求白沙屯媽祖保庇逐家平安順事！

　　阮的系館阮卻袂使用，這是啥物道理？
　　我知影電費、教室財產的安全是恁考慮的代誌，毋過阮嘛是作正經代誌啊！為怎樣欲按呢凍霜？平時排外著紲矣，這馬連系上的學生恁嘛無信任，恁是欲共全部的人趕走嗎？

這站仔代誌是一件接過一件，若像攏無結束的一工。我的記持式愈來愈歹啊！毋知是我已經老啊是無，那會對生活產生了ià-siān，若像我已經掠袂著我生活的重心，規工干焦知影食佮睏，我感覺我真悲哀。我想愈活甲較快活，無想欲一直佇遮轉踅 ，我愛有一个目標，一个理想，我想欲親像別人仝款，勇敢找揣家己所愛的、家己所想的的彼款熱情。人攏講「人因夢想而偉大」，我那會使按呢繼續抱著「有魚，蝦嘛好」的方式活落去。這馬的我想袂出來啥物大方向，毋過我想我那對細項代誌開始處理，凡勢我就會感覺輕鬆一寡，頭腦就會較清醒，無的確我就會使揣的我的夢想佮目標，恁講是無？

期中考周終其尾結束loh，實在真開心。
雖然我bueh考ê科目只有一科，但是hit科卻是siōng麻煩ê一科，koh-khah慘ê是考到一半腹肚痛……佳哉一切lóng已經結束loh，真正真好！

    時間過了真緊，行煞大甲媽，連鞭就考期中考，感覺真忝！佇期中考這禮拜六，我因為修通識課的關係，有機會來一逝古蹟的旅行，予我印象誠深的所在是追分火車站，予我想起，高中的老師替阮全班買追分到成功的票，祝福阮逐家攏會使順利考牢心目中的大學，老師誠用心！

    我感覺人的一生就親像追分車站的火車，咱一直向前行，認真拍拼過生活，為著美好的未來，咱就愛把握現此時，人生中的每一秒每一分，閣有咱千萬袂使袂記，佇咱身軀邊陪伴咱的朋友、厝內的人、同學、老師，in攏是關心你的人，咱愛珍惜佮逐家鬥陣的緣分。

前禮拜我揣了時間轉去厝，媽媽著揣我作伙陪伊去踅台北市的南門市場，遐是台北的一个室內市場，主要賣的是外省的食物菜色kah點心，逐擺過年前，我攏會陪媽媽去遐準備年菜，阮的親情攏足愛食有一間「徐家點心」的蜜汁火腿，舊年我甚至寄了一箱轉去南投外媽家予逐个阿姨紮轉去做年菜，想來嘛是真古錐，親像底咧團購按呢，這擺去主要是欲買暗時仔煮火鍋的材料，有一間的蛋餃是現做的真好食，弟弟足佮意，所以阮著買了幾盒欲予伊食，佇厝真正足歡喜的，會當kah媽媽開講，kah弟弟耍，陪爸爸飲茶，就是出來外口才會擱較珍惜家己佇厝內的時間。

行完大甲媽了後，馬上就是期中考，實在是予人感覺足”充實”矣，拄轉來的彼幾工，攏感覺無啥物心情通讀冊，因為心情攏閣族興的；一直到拜一的時陣，才雄雄回神，毋過，因為無事先準備，所以真正感覺這擺的考試有夠忝!!

閣有，因為行大甲媽的時陣，引起我腳底的舊傷來發作，而且閣有空嘴；行到我的鞋仔底攏破去，所以閣有垃圾物仔去感染到彼個空嘴，所以引起發炎，看醫生了後，醫生講，若無緊處理，會變蜂窩性組織炎，所以就緊開刀”清創”，真正足疼矣。

　　期中考總算是考了矣，感覺這學期過了真緊，一下仔著欲五月矣，然後著欲放暑假矣，應該佮這學期欲無閒ê代誌真濟有關係，今年暑假我想欲做ê代誌真濟，頭一項著是欲學駛車，今年暑假我嘛欲二十歲矣，學駛車是想欲送予家己ê生日禮物，阮兜著椿我袂曉駛車矣，其實趁早學較好，以後若是欲去較遠ê所在𨑨迌，著會使家己開車出去耍矣。進前聽人講，若是過了十八歲，時間真正會過了真緊，這馬想起來真正無毋著，過了這个暑假我著欲三年仔矣，實在有夠恐怖。

　　頂禮拜是期中考，我感覺足忝，因為大甲媽才拄轉來爾爾，根本著無歇睏到，著愛連鞭準備考試，而且有一寡老師攏考足濟欸，又擱沒代先講，我感覺按呢的感覺足 禾黑。

　　期中考考煞了後，這禮拜輪著阮這組欲錄音，逐擺欲錄音的時陣我攏感覺真痛苦，一開始的時感覺真趣味，但是漸漸仔著愈來愈毋知影欲講啥，錄音進前攏愛先想好這擺欲講啥，然後再擱針對彼咧主題去查資料，有時陣資料無濟，著愛逐家想辦法予時間會當講較長咧，這馬講到欲錄音我攏會感覺驚驚！

四、五月算是春天的尾溜，佇四季內底，春天的花蕊開了上旺，喙笑了上媠。目睭影著真濟色水的花草攏選佇這時發穎，世事的操煩袂輸攏共伊放袂記。

結束九天八夜ê大甲媽了後,馬上就要面對ê就是期中考矣!這次期中考傷困難ê就是日文阿!我感覺我每一擺念日文會遐邇辛苦,是因為我平常時沒有做好準備,所以佇欲考試ê時陣,我著會佇最後一天遮佇咧讀冊,予家己誠濟壓霸,其實我應該佇每一擺上課了後,就開始讀冊,予老師上課交ê東西先做一咧複習,我這咧周末嚐到痛苦ê滋味,希望我這次有吸取教訓,後一擺若是有大考ê時陣,我應該就袂遐邇ê緊張,希望逐家ê期中考攏ê考了誠好矣!考完期中考了後,我著會使放輕鬆,佮我ê朋友去踅街!

    上通識課──另類電影閱讀，總是會當看到足濟平常時毋捌注意過的電影，這擺看的是和戰爭有關係的《三不管地帶》，予我印象真深。