Hongtin Tsok-gia̍p bāng

    因為做期尾報告的關係，我看一本台語的詩集，叫做《沈默之聲》，作者就是林沈默。伊的詩主要是kah社會教化的議題有關，譬論講有一篇叫〈台灣母仔〉，主要是咧寫講中正大學受附近的五穀王廟捐六十公頃的廟產予in起學校，想袂著「房頭無親，近廟欺神」，佇2005年的時陣中正大學講欲國際化，就kah陳厝寮這个地號名改掉，改做「大學路」，講按呢才符合國際觀，其實根本就是忘恩背義的作為。佇這篇內底我感覺作者是真正實在咧觀察台灣的社會發生啥物代誌，寫成一首予人記持真深的詩！這本冊的確是直得收藏的一本好冊！

    期尾就欲到矣，有真濟冊kap報告愛做，實在講一點仔lán-si的時間就無。希望付出的拍拚kap得到的效果會當差不多，按呢拍拚才有價值。誠想欲kah時間調整到歇熱，想欲好好啊行出去看外口的世界生做按怎，莫親像跔踮古井下底的hit隻水雞，毋知影幻想中的世界其實只是一場夢，向望家己會當閣向前一步，毋管別人有啥物眼光，無論別人按怎去想攏愛好好做家己應該做的代誌。