Hongtin Tsok-gia̍p bāng

Bô huat-tōo ê tāi-tsì

Kā sim tshàng--khí-lâi

Hōo e-mail ing-ia huat-tsháu

Tshiu-ki-á kì-tsāi i liang

Bô siánn-mih tāi-tsì kái-piàn

Sui-bóng guá siūnn beh án-ni

Siám-phiah lí lī-khui ê sū-si̍t

M̄-koh

Tshue--kuè-lâi ê tshun-hong

Thàu-lām tio̍h hiam-tsio-á bī

Thinn-kong-peh-á mā teh tih hōo

Uân-tsuân sit-khì khòng-tsè

Guá ê ba̍k-tsiu khuànn buē tshing

Thâu-tsîng ê sè-kan-lōo

Khí-bông tà-bū

Guá sī kài siūnn beh o̍h lí ê phiau-phiat

Ba̍k-tsiu suah m̄-tsai

Beh án-tsuánn tsiah buē tâm--khì

Lí khak-si̍t sī í-king tiām-tiām lâi lī-khui

Lī-khui sī án-tsuánn

Hōo lâng sim-būn

Lí hit khuán bê-tó-lâng ê hó-tshiò-sîn

Hōo guá ê ba̍k-tsiu m̄ thiann-khǹg

Tàu-tué sī teh m̄-kam siánn-mih?

Tham-luān ê jîn-sing

Sī siàu-siūnn

Lī-khui sī sè-kan-lōo ê bué-tsām

Siáng m̄ tsai--leh?

Sī-kóng

Uân-tsuân sit-khì khòng-tsè

M̄ tsai-iánn

Nah ē tsiah-nih kan-khóo-sim

Teng Hongtin  2009/03/05