Hongtin Tsok-gia̍p bāng

Bô hoat-tō͘ ê tāi-chì

Kā sim chhàng--khí-lâi

Hō͘ e-mail eng-ia hoat-chháu

Chhiu-ki-á kì-chāi i liang

Bô siáⁿ-mih tāi-chì kái-piàn

Sui-bóng góa siūⁿ beh án-ni

Siám-phiah lí lī-khui ê sū-si̍t

M̄-koh

Chhoe--kòe-lâi ê chhun-hong

Thàu-lām tio̍h hiam-chio-á bī

Thiⁿ-kong-peh-á mā teh tih hō͘

Oân-chôan sit-khì khòng-chè

Góa ê ba̍k-chiu khòaⁿ bōe chheng

Thâu-chêng ê sè-kan-lō͘

Khí-bông tà-bū

Góa sī kài siūⁿ beh o̍h lí ê phiau-phiat

Ba̍k-chiu soah m̄-chai

Beh án-chóaⁿ chiah bōe tâm--khì

Lí khak-si̍t sī í-keng tiām-tiām lâi lī-khui

Lī-khui sī án-chóaⁿ

Hō͘ lâng sim-būn

Lí hit khóan bê-tó-lâng ê hó-chhiò-sîn

Hō͘ góa ê ba̍k-chiu m̄ thiaⁿ-khǹg

Tàu-tóe sī teh m̄-kam siáⁿ-mih?

Tham-loân ê jîn-seng

Sī siàu-siūⁿ

Lī-khui sī sè-kan-lō͘ ê bóe-chām

Siáng m̄ chai--leh?

Sī-kóng

Oân-chôan sit-khì khòng-chè

M̄ chai-iáⁿ

Nah ē chiah-nih kan-khó͘-sim

──Teng Hongtin  2009/03/05