Hongtin Tsok-gia̍p bāng

太陽花學運

    三月十八號，學生共立法院占落來。

    三月十九號，學生坐佇立法院門口來為咱的民主發聲，一直到今。

    我十九號着起台北啊，這是我頭一擺參加學運，透過這擺的活動，嘛予我看清真濟代誌。

    佇遐坐了六點鐘，聽見一寡教授佮社會人士的想法，有的足激動喊講欲拆政府，嘛有的冷靜分析服貿的好佮歹。毋過，聽了上有感觸的是學生的演講，仝款的角度，仝款的年紀，無仝的學校、學系，講出來的每一句話，攏予阮知影咱毋是一个人。

    我想無為什麼有真濟人講阮是盲從，是為了反對來反對。使用暴力的人只是少數鐘的少數，無應該將全部的學生攏看作佮in仝款。阮只是恬恬坐的，等待有人會當為這擺的事件來向人民負責，來予人民一个解釋。

    對台北轉來了後，我想了足濟代誌，想來想去，攏是感覺這陣的台灣人真可憐。咱予政府欺騙，煞放in去做對in家己有利的代誌，咱攏毋跳出來反對in坐的決定，只是恬恬活在咱自己的生活內底，無去插，當作啥物攏無看見。可能是時代造成咱袂曉講話，就算按呢，人嘛不應該烏白講。

    離開現場是真沉重的一个決定，毋過心攏是綁佇現場，隨時攏佇關心現場上新的狀況。希望這次咱站出來，會當對咱的未來有所幫助，予台灣社會一个講話的機會。