close
今仔日的陶藝課真趣味，老師教阮按怎只用手捏陶，捏出一个親像杯仔猶像碗的物件，原本聽起來感覺真簡單，毋過換家己動手做的時，才發現原來上簡單的代誌嘛是上困難的，若是捏傷薄，物件較會變形，嘛會無細膩捏破；若是捏傷厚，提入去爐仔底燒的時，可能會規个磅開。
這擺我做的物件就無啥成功，因為我對家己做的作品一直無滿意，做到尾仔心情有淡薄仔無好，但是袂要緊，第一擺只是欲予阮來體驗看覓咧捏陶的趣味，而且老師共阮講捏陶這項技術，毋是一工兩工就會當學會曉ê，所以我免失志，相信總有一擺會使做出予家己真佮意的作品。
全站熱搜
留言列表
