佇台中教育大學ê學校內底,流傳著一件誠少人知影ê傳說故事,因為tsit ê傳說故事一直sī所有歷任校長ê禁忌,若sī有人敢講出去,伊著會乎辭頭路抑是乎校長退學。所以,tsū台中教育大學辦學開始,著足少人聽說件代誌。hit ê傳說sī按呢講的:
佇學校內底,汝會使定定看tio̍h有一種神祕ê鳥仔,tsit種鳥仔飛būe遠mā跳būe峘,伊時常出現佇學校內,不時giâ頭看tsit片校園,干若咧想啥mih代誌共款。這隻鳥仔就是我~阿源。
其實,我著sī咱台中教育大學尚頭一任ê校長,換tsit句話來講,著sī台中教育大學ê開創者。
我sī一ê讀足濟冊ê人。有一擺,我來到台中tsit塊所在,看tioh環境誠舒適,著想beh辦一間學校。我逐工打拼做工來tsông建學校ê錢,足無簡單,靠著我打拼ka̍p村內人ê幫贊,台中教育大學ê前身才總算建乎好。雖然,學校誠簡陋,毋閣,佇tsia有足濟有才調先生ka̍p用功學生。
靠著我ê雙手打拼,台中教育大學一點一滴ùi一片荒土變做有花有樹仔親像ê美麗桃花源。
迄當準ê台中教育大學,會凍講是「頂港有名聲,下港有出名」,伊sī所有台灣讀冊人頭一ê志願,大家拼死拼活mā 欲入去ê所在。
面對tist 種情形,乎村內一ê好額人看著誠毋是滋味,伊想欲得著tsit間學校來發展伊ê事業。所以,伊用錢買通學校內底ê老師、校工,打算欲來陷害我。伊叫校工偷偷佇我杯ê仔內囥毒藥,若是我lim這杯有毒ê水tioh 會hōo毒死,an ne好額人著會使做校長啊。
後來,我誠正乎毒死啊,村內底ê人攏感覺誠毋甘,逐ê人攏為我來抱不平,in逐工攏咧ùi我哭,著按呢,日抑哭、暝抑哭,村民ê目屎濟kah變做洪水,kā台中教育大學淹歹去,天頂ê神明看著這種情形,著命令天兵天將下凡,kā迄ê好額人掠到天庭來審問,迄ê好額人看tioh天兵天將來掠伊,早tioh驚kah兩腿一伸,一命嗚呼啊!
天頂ê神明經過一年一擺ê神明大會開會了後,決定kā我ê魂魄úi地獄領出來。神明kā我講:「因為人死不復生,所以汝būe凍閣做人,毋閣,待念汝生前作好代誌,tioh kā汝變做鳥仔,干若會凍叫,būe凍講話,而且,飛būe遠mā跳būe峘,生生世世來守護這間學校。」
我聽tioh誠歡喜,心內想:「雖然būe凍做人,毋閣,做鳥仔mā會使,按呢,tioh會凍守護這間學校,而且,閣會凍看tioh學生用功ê情形啊!」自從我變做鳥仔,tioh定定在校園內底巡視,看老師ka̍p學生有用功抑無,若是無用功,我就會跑到身軀邊徘徊,一直到用功為止。所以,若是汝後擺看到我,就愛反省家治是毋是有用功?若是無用功,就愛好好努力打拼啊!tse tioh sī 台中教育大學būe凍講ê秘密,因為,保護這ê秘密,sī歷年校長ê責任,只要校長敢講出去,天頂ê神明甲處罰! 修辭: 排比.類疊.誇飾.引用
留言列表